¹ Mweba Yawe, ba Lesa abakupulusha kwandi, ndalila ukubilikisha akasuba nebushiku kuntanshi yenu. ² Kutikeni kuli tembelo lyandi; umfweni ukulila kwandi. ³ Pakuti naisula nemapensho, nemweo wandi wa fika ku Sheoli. ⁴ Abantu balancita koti nibabo abaya panshi mu cilindi, ndi muntu uwakubula amakasa. ⁵ Nalekelesha pakakati kabafwile; ndi koti Mufwile uyo lala mu cilende, apo apati babo abamulekela ukusamana pakutit ba pululwako ukufuma kumakosa enu. ⁶ Mwambika kunshi kulubali lwa cilindi; umufitile mumupunda uushikile. ⁷ Ukukalibwenu bwalala ubulemene pali nebo, ne mankapa yenu onse apaumaula peulu pali nebo. Kulabila kwaba Lesa. ⁸ pamulandu wamwebo, ubushila bwandi bwamfumyalo. Mwandenga nebo kubona kwakusomesha kuli bo; naputulwa mukati kabili tekuti mbutukepo. ⁹ Amenso andi aba nakile ukufuma kukupenga; Akasumba konse ndeta kuli mwebo mweba Yawe, nnaimya amaboko andi kuli mwebo. ¹⁰ Mungacita ifya kukankamusha pabafwile? kani abo aba fwile bangabuka nekumulumbanyeni? kwaba Lesa. ¹¹ Kani icipangano cakucetekelwa cingabilishiwa mu cilende, ukunakila kwenu mumupunda wabafwile? ¹² Kani imilimo yeni liweme ingeshibilwa mu mfinshi, ngangu kalungama kwenu mu mupunda wakuluboko? ¹³ Sombi ndalila kuli mwebo, mweba Yawe; mulucelo itembelo lyandi lilesa kuntanshi yenu. Yawe, nindo munkanina? ¹⁴ Nindo mufishila icinso cene kuli nebo? ¹⁵ Ndabo imindi shinse uwakupenshi wa kabili apepi nekufwa ukufuma kuubulumbwa na bwandi, na cululuka ukufuma ku fya kutinya fyenu; ndimukubula ukwikatanishiwa. ¹⁶ Ukubomba kwakukalipa kwe kwapita peulu lyandi nemicito yakutinisha yamputaula. ¹⁷ Banshinguluka koti menshi akasuba konse; bonse banshungluka. ¹⁸ Mwatesha ifibusa fyandi inefubeleshi ukufuma kuli nebo icakubelesha candi ni mfunshi.