¹ Mweba Yawe, mwalangisha ukutemwa ku mpanga yenu; mwabukulusha ukubakwa kuwama kwakwa Yakobo. ² Mwafitukila ukubifya kwa bantu benu; mwafimbapo pafibipile fyabo fyonse. kulabila kwa ba Lesa. ³ Mwafumyako ubukali bwenu bonse; mwabwelekp ukufuma kubukali bwenu ubukuli. ⁴ Tubwessheni, mweba Lesa abakupulusha kwesu, kabili lekeni kuye ukukalipa kwenu kuli fwebo. ⁵ Kani ungakekalipa kuli fwebo ukwanshiku shonse? Kani ungekala nebukali ukupitilila mu fitentekwa fyakuntanshi? ⁶ Tekuti utubweshe nakabili? Kabili abantu bobe bakate mwa muli mwebo. ⁷ Tulangeni icipano cenu calucetekelo, mweba Yawe, tupeleni ukupulusha kwenu. ⁸ Nkomfwa kufintu ba Yawe Lesa balabila, pakuti ba kacita umutende ne bantu bakwe, abalucetekelo abanukonka nakabili tabalingile ukubwelela ukwaluka nakabili kunshila ishi tumpile. ⁹ Icine ukupulusha kwabo kuli apepi kuli babo abamutina; pano ululumbi lukekala mu mpamnga yesu. ¹⁰ Icipangano ulucetekelo nekucetekekwa fya kumana pamo; ukulungama nemutende fyatomanshanya pamo. ¹¹ Ukucetekelwa kwatumpuluka peulu ukufuma panshi yamushili, nekulungama kwalelesha panshi ukufuma mwiulu. ¹² Inya, mweba Yawe mukapela amashuko abo aweme, nempanga yesu ikekata ifya kulima. ¹³ Ukulungama kukaya kuntanshi yabo nekupanga inshila kuntampulo shabo.