¹ Ba Kesa bai makana mwibunggano lyabo; patati ka tu lesa batetupela ubupingushi. ² Nilwisa mukapingula ukwakubulo luse nekula ngisha umusalululo ku mbifi? ³ Bacingilileni abapengele nebanabanshiwa; citeni ifilungeme kubalepenshiwa nekupenga. ⁴ Pulusheni abapengele nebabulisha; bafumyeni mukuboko kwa mbifi. ⁵ Batabeshipo neli kumfwa, balenda na mumfinshi, imifalwa yonse iya mucalo ilatenkana. ⁶ Nalilabile, "muli tu lesa, na mwebo mwense mwebana balalume aba uyo uuli peulu apatali. ⁷ Nangu cibe fyo mukafwa koti balalume nekuwa koti ni umo uwabana ba mfumu. ⁸ Imeni, mwena Lesa, pinfuleni calo, pakuri mulikwete ubupyani mumishobo yonse.