¹ Muli mwebo, ba Yawe, emo na fiswa, lekeni nebo nikabala lengwapo insoni. ² Pokololeni nebo na kunenga uwalungama mu bulungami bwenu; pilibwileni amatwi yenu kuli nebo ne ku pulusha nebo. ³ Beni kuli nebo icilibwe ca ku fiswamo umo lyonse nebo kalaya; mwalipela ishiwi ku kupulusha nebo, ili mwebo muli cilibwe candi na. ⁴ Pokololeni, ba Yawe bandi, ukufuma mu minwe ya ba lwani, ukufuma mu minwe yaba shalungama neba bulaluse. ⁵ Mwe emwe ca kulolelapo candi, ba shikulu ba Yawe. Icicetekelo muli mwebo ukutolafye ilyo nali umweice. ⁶ Pali mwebo na tungilalwe ukufuma mwifumo; ni mwebo mwafumishe kunse munda muli mayo; amalumbo yandi akulaba lyonse pali mwe. ⁷ Ngi cakubwenako ku pantu abengi; mwe muli ca kufiswa mo candi ca kosa. ⁸ Akanwa kanji kakulaisula amalumbo yenu, aksuba konse ne mucishi wenu. ⁹ Mwiposa ukutali mu pindi ya kukula kwamyaka; mwindekelesha eli amaka yapwa. ¹⁰ Pantu abalwani balelabila pali nebo; balikutamba umweo wanji ba longana pamo. ¹¹ Balelabila ati, "ba Yawe ba limulekeleshe; tumubole na kumusenda, pantu takupo nangu umo wa kumupokolola." ¹² Ba Lesa, mwiba patali ukufuma kuli nebo; ba Lesa, angukeni ukungafwa nebo. ¹³ Lekeni babo babe ne soni ne konaulwa, bonse aba cite fibi pa mweo wannji lekeni bafibwe ukusalulwa ne kusebana, babo aba kabilila umweo wanji. ¹⁴ Sombi nebo lyonse nakucetekela muli mwebo na kula milumba lyonsefye. ¹⁵ Akanwa kanji kakalabila pa bulungami bwenu ne kupulusha akasuba konse, muli fyonse shishipo. ¹⁶ Ndeisa ne fyamaka yamilimo yaba shikulu ba Yawe; kalenga uku lumbalwa kwa bulungami bwenu, mwe mweka. ¹⁷ Ba Lesa, mwali sambilishe ukufuma ku busesela bwandi; neliline ndukulabila pa micito yobe iya kupapa. ¹⁸ Ina neli nakota nefwi mu mutwi, ba Lesa, mwitalika, ngefyo nababila amakosa yenu munko ishileisa, amakosa enu kuli bonse aba koisa. ¹⁹ Ne bulungami bwenu bwine, ba Lesa, bwaliba peulu; pakuti mwacite ifikulu, ba Lesa, nani waba nga mwebo? ²⁰ Mwebo mwe bonenga nebo ukubona amafya ayengi mu ka pulutule nakabili na kungimya nakabili ukufuma panshi ye sonde. ²¹ Kusheni umu cinshi wandi; bweleni nakabili ne kutalabila. ²² Na kulampela amatotelo mwe pepango pa locetekelo lwenu, ba Lesa bandi; kuli mwebo ndemba ukulumba mu pango, mweba swetele bamo aba mu Isilaeli. ²³ Imilomo yanji ullebilikisha ili ndeimba ne kumilumbanya kuli mwe ne mutima wanji wine, uo mwa lubula mwebo. ²⁴ Ne lulimi nalo lulelabila pa buluungami mwenu akasuba konse; eli babe nesoni no kufulunganishiwa, babo aba fwaya umweo wandi.