¹ Yawe Lesa wandi, muli mwebo emo nauba; pulusheni ka bandamata bonse, ne kupokolola. ² Kuti batakanya koti ni kalamu, nekundepula, apashilipo ne wakupulushako. ³ Yawe, Lesa wandi nebo, kani na citesho, kani mwaba ubuponda mishi mu minwe yandi nebo, ⁴ Kani nabwesha ububi kuwaikala na nebo umutende, kani napokolola uyo uwamambile apabula mulanndu ufwenu kumashiwi yandi. ⁵ Bashitatubi basupile, ne kunsangam ba nyantawilw umweo wandi nebo panshine bukata bwandi bwikalika mu lukung. ⁶ Imeni, Yawe, mubukali bwenu mwebo; imakaneni pa fya cifukushi fya bamamba; shibikeni pamulandu wanebo ne kumpite imicitile yabalungeme ifyo mwapingula fya bena. ⁷ Abenafyalo balimishingulwike; na mwebo mwikale pali bena. ⁸ Yawe, pinguleni abena fyalo; mpinguleni nebo, Yawe, koti ni mwabela ubulungami bwandi; umwabela ne mu mpomfu bwandi ubuli muli nebo. ⁹ Imicitele yafibipile yaba citutubi ipelekesheko, sombi mpapamikeni abalungeme, umulungeme Lesa, ulukulengula imitima ne mfyo. ¹⁰ Ikwela yandi ilukufumina kuli Lesa, uyo upulusha imitima yabololoke. ¹¹ Lesa mupingushi umulungeme, Lesa uwa cipyu inshiku shonse. ¹² Kani umunu talukulapila, Lesa alukunona ulupanga lwakwe ne kuteyanya akana mu buta kakwe. ¹³ Alukuteyanya ifyanso fyafwa; imifwi ya iye alukucita iya mulila. ¹⁴ Moneni, mwebo, anyongotokela bushitatubi mwifumo, koti aimita ukuculusha, ne kupapo kubepa. ¹⁵ Alukwimba icilindi ne kufukululamo iyi awilamo mubucinga ubo acitile. ¹⁶ Ukuculuaha kwakwe kukabwelala pa mutwe wakwe, na pe ulu wa mutwe wakwe ulufyengo lwakwe lukaponenapo. ¹⁷ Nebo ndikutotela Yawe pa bbupingushi bwakwe;ndi ne kwimba amalumbo kuli Yawe uwapilamo.