¹ Pulusheni, mweba Lesa; pakuti amenshi abka umeo wandi mubusanso. ² Na ibila mutipa panshi apatali apa apatapopa umupunda apa kwimakana, naisa mumenshi aatali umo ubulobe bukunka peulu lyandi. ³ Nkatala nekulila kwandi, umukolomeno wandi wauma; amenso andi afilwa ifi mpembelela pali ba Lesa wandi. ⁴ Abo abampatile ukwakubula mulandu balicilile imishishi iya pa mutwe wandi, abo abali nekumputulako ukufumyako ukulukuli ba lwani bandi pamulandu uulubene, bamakosa, ifi nshabilepo. Ndinekupela ukubwelesha? ⁵ Mweba Lesa, mulishi ukutumpa kwandi, kabili ububi bwandi nabufishilwepo ukufuma kuli mwebo. ⁶ Mwileka abo abacetekela muli mwebo babe kwekunsoni pakuti pali nebo, mwe shikulu Yawe abo mabumba; mwileka abo abamufwa yenu babikwe ku musebanya pakuti pali nebo, mweba Lesa ba kkwa Isilaeli. ⁷ Pamulandu wenu nebo mwankalipila; insoni shafimba pa mpumi andi. ⁸ Naboneka umwenso kubakwesu, umwinafyalo kubana baba mayo. ⁹ Pakuti pakulwisha kwaba ng'anda yenu bwandya bwanshilisha, nekukalipio ukwa boba abamu kalipileni kwa wila pali nebo. ¹⁰ Ili nalilile kabli nshalilepo nefya kulya bali nkukile. Ili ¹¹ napashile icakufwala cesaka cakufwala candi, nalibele nali cinttu icakulabipo kuli bo. ¹² Abo abekala mumi lyango ya musumba balakabila pali nebo; ndi lwimbo lwaba pendwa. ¹³ Sombi koti ni nebo, ukutembela kwandi kuli mwebo, mweba Yawe, pampindi iya mukapokelela, angasukeni muku cetekelwa kwakupulusha kwenu. ¹⁴ Ntinteni mumfumye mumatipa kabili mwinde ka njibile; ndekeni mfumemo ukufuma kuli babo abampatile kabili ngabuleni ukufume mumenshi aatali. ¹⁵ Mwileka ubulobe bwa menshi bunjibishe nangu muleke ukutotobela iku mine panshi. ¹⁶ Ngasukeni, mweba Yawe, pakuti icipNGno cenu mukutekela ciweme; pakuti inkumbu shenu pali nebo shingi, alaki leni kuli nebo. ¹⁷ Mwifisa ici cenu ukufuma kumupyungishi wenu, pakuti ndi mukupenga; ngasukeni bwangu. ¹⁸ Iseni kuli nebo kabili mbukulusheni. Pakuti pabalwani bandi, mu ndubule. ¹⁹ Mulishi ukukalipilwa kwandi, insoni shandi nekunsalulwa kwandi utupondo twndi bonse bali kuntashi yenu. ²⁰ Ukunkopilila kwa toba umutima wandi, naisula nekufini nimwa; nelafwya umbi uungangumfwilako uluse, sombi nshasangilepo nangu umo. ²¹ Balimpele ubulembe mufyakulya fyandi; mucilaka candi badi mpele umenshi amwambila ukunwa. ²² Lekeni amatebulo kuntanshi yabo abe cakubateya; ilibalenwa balimuku cingililwa, ngacibe citeyo. ²³ Lekeni amenso abo abemfinshi pakweba ati tekuti babone; kabili impindi shnse lengeni imbunda shabo shilukuseyaka. ²⁴ Ituleni ubukali bwenu palibo, kabili lekeni ubusomena kwabukali bwenu kube pali bo. ²⁵ Lekeni umupunda wabo ube cibolya; mwileka neli umo ekale mufisasa fyabo. ²⁶ Pakuti balipenseshe uyo uu mwapamine pannshi. Bali bweleshepo ukwishiba kwa kusomena ukwababo aba mwalashile. ²⁷ Bebauleni pakuba ukuvita icibipile pacitipile; mwibaleka ukwisa mukukomeka ukwakulungama. ²⁸ Balengeni ukufumamo mwibuku lya mweo kabili bekalemwamo pamoneba luneme. ²⁹ Sombi nebo napenga nekubombomana; lekeni ukupulusha kwenu, mweba kumbike peulu apatali. ³⁰ Ndalumbanya ishina lyaba Lesa Nelwimbo kabili nkabasuntula nekapela kwa kutota. ³¹ Ifyo ifi kasangalasha ba Yawe ukuwama ukucila umusune nangu ng'ombe iyo iikwete amsengo ne mabondo. ³² batekenye balicibwene kabili balite menwe; mwebo mwebafwaya panuma yaba Lesa, lekeni imitima yenu ikale. ³³ Pakuti ba Yawe balomfwa abapengele kabili tabacabolapo bakaili babo. ³⁴ Lekeni ulu necalo fibambanye, amanika nafyense ifyendamo. ³⁵ Pakuti ba Lesa bakapusha Siyoni kabili bakebakulula ne misumba ua Yuda; abantu bakekalamo mulya nekupelwa ukuba wabo. ³⁶ Aba bombfi baba kamufyalwa babo baka upyana nababo abatemwa ishina lyabo bakekalamo mulya.