¹ Cita icongo cakutemwa kuli ba lesa, icalo conse; ² Imbisha ubuleme bweshina lyabo muba lumbanye mubalemye. ³ Labileni kuli ba lesa, '' mba ati ukutionisha yenu 1 mukukulisha ukwa makosa yenu abalwanio bakalipela kuli mwebo. ⁴ Icalo conse cakamulemyeni mwebo kabili cika mwimbileni ; bakemba kwishina lyenu '' ⁵ Iseni mumone imilimo yaba lesa ; bo bakutinisho mumicito yabo kubana yanalume aba bantunshi. ⁶ Balalwile inika mumushili uumine; ba lile ukupita munika ne makosa ; apo tulusemba muli bo. ⁷ Balateka ukwapee nemakosa abo ; amenso abo alabona imishobo. mwilabaleka mwabaluka balisuntukile kwaba lesa. ⁸ Peleni amashuko kuli ba lesa, mwebantu lekeni ukumufwika kwa kuba lumbanya kumfwike. ⁹ Balatulama pakati kabalabi kabili tabasuminishapo amakosa yesu ukutelemuka. ¹⁰ Pali mwebo, mweba lesa , muli tweseshe ; mulutweseshe koti fintu silufa yeseshiwe. ¹¹ Mulituletele mwikombe; mwalilalikile ifipinto ifilemene panuma yenu; ¹² Mwalengele abantu ukunina peulu ilya mitwi yesu; twalipilile mukati kamulilo nemenshi; sombi mwalituletele kamutumfumya kutuloto pa mupundo uusambilile. ¹³ Nkesa mu ng'anda yenu nemilambu iya koca nkanmilipileni ifilayo fyandi. ¹⁴ Ifi imilomo yandi yalaile nekanwa kandi kakalabila ili nali mukukululuka. ¹⁵ Nkapela kuli mwebo amalambu yakoca ayo nama isha amafuta. nebwema ubuweme ubwambelele ; nkapela ing'ombe nembushi. ¹⁶ Iseni kabili mumfwe, mwebo mwense mwemutima ba lesa, kabili ndi nekulabila ifiba atile pa mweo wandi. ¹⁷ Nalile kuli bo nekanwa kandi, kabili nali balumbenye neiumini lwandi. ¹⁸ Kani ndibwene micibipile pamo nemityima wandi, ba shikulu ngataba ngumfwilepo nebo. ¹⁹ Sombi ba lesa mucine baumfwa; baposaka amano kwishiwi lyaku tembela kwandi. ²⁰ Ukushuka kube kuli ba , abatabaposelepo ukutembela kwandi neli cipangano cabo ica lutetekelo ukufuma kuli nebo.