¹ Wilukucula pali babo akacila fyaku bifya; eli kufunuka pali babo abacita ifilubene. ² Pakuti bo bali kubati cani bukumo balukufota, kuti mwenfu baluma nekufwa. ³ Tetekeleni mumfumu nekucita iciweme ikala mu calo nekusekelela ukwa cine. ⁴ Ilemene mu mfumu kabili akakupela nefya kufwaya fya mutima obe. ⁵ Bika inshilashobe muli ba Yawe; mutite ali nekuciteci. ⁶ Alukulenga icilambu cobe icabulungami ukubeka kuba ati niku macaca, nebapingushibobe kubati kasuba pakati. ⁷ iIkalilila muli ba Yawe nekumulolela mu mutima ntela; wilukucula pa muntu uushukile umuenda ili alikucita amafunde aya fya kubifya. ⁸ Leka ukuba ne bakali nekulaka icipyu; wilukucula icilolel kukubifya. ⁹ Pakuti babo abacila ifya kubifya bakonaulwa sombi babo abatetekela muli ba Yawe bakapya na isonde. ¹⁰ Bwangukuke, umubifi takabape; nangu mu kabafweye tabakaboneke. ¹¹ Sombi abapengele bakapyana isonde nekusekelela umutende uwatuti nebwingi. ¹² Ababifi bala panfila abalungeme ne kubasumanishisha ameno. ¹³ Sombi imfumu ilabaseka ababifi pakuti ye alishi ati inshiku shaba shilukwisa. ¹⁴ Umubifi alasomonona ulupanga nekulibika mubuta pakuri bawishe umubulishene mu pengele , kukusonsomba babo aboinshilashabo shilambalele. ¹⁵ Sombi amapanga yalabala sa abene kumitima ne mala abo akakonaika. ¹⁶ Ciliweme ukukwata utunini mubulungami ukucila ukubanefingi ifyamu kubifya. ¹⁷ Pakuti amakosa gawafya kubifya akonaulwa sombi ifumu ikekalitilila umulungeme. ¹⁸ Umulungami alaposa inshiku shakwe mukusakamana kwamfumu, kabili neku pyuma kwabo kukabelelela. ¹⁹ Munpindi ishabipile tabakalengwa pa insoni mumpindi iya kubulusha bo baka kwata ifingi. ²⁰ Sombi abafyakubifya bakaloba. Neli abapate bamfumu bali kuba ati mwemfu wamwibala, bakapya mu cushi. ²¹ Ababifi balashima sombi tababweshapo sombi umulungeme alapela mu luse. ²² Babo abo Lesa ipala bakapyana isonde sombi babo abo abalipeilo bakonalwa. ²³ Ni Yawe acita pampampamika intampulo shauyo uileme na muli ye. ²⁴ Neli alelententa, takawapo pakuti Yawe. ²⁵ Nali umwanike panondikulile, nesjhilati mbonepo abalungeme ukubalubako neli abana babo ukulomba shinkwa. ²⁶ Balabalonse abakumbu ne kwashimusha mu buntungwa; abana babo bakaba lipalo. ²⁷ Fumeni kufya kubifya nekucita ifiweme pano mukekalila mu calo umuyayaya. ²⁸ Pakuti imfumu ilitemenwe abalungami kabili lakalubako neba cine. Abacita ifyakubifya bakonalwa ukupwililila; ne bufyashi bwa bafyakubifya bukaloba. ²⁹ Abalungeme bakapyana isonde nekwikalamo umuyayaya. ³⁰ Utunwa lwaba lungeme tulabila amano, ne ndimi shabo shilabila ifilungeme. ³¹ Amalango aya lwa Lesa wabo aba pamitima yabo; ne ntampulo shabo ta shikate shimukapo. ³² Uwafya kubifya ala cenenta umulungeme eli alafwaya ne kumwipaya. ³³ Yawe takamusha pamuinwe yakwe neli kumuseka mukupingulwa kwakwe. ³⁴ Ukulolela pali Yawe kabili ne kulama inshila shakwe. Akamwimya mukupyana isonde; ili uwafyakubifya akonalwa mukafibonefi. ³⁵ Nali bwene uwafya kubifya alakutumya nekwandalika koti mu kedali wa ku Lebanone. ³⁶ Sombi bwanguluke kapita kabili talipo; neli namufwaile shamubwenepo. ³⁷ Lelo sha umulungeme, bona umutambalele; intangile ilukupemba babo abafwaya mutende. ³⁸ Sombi babo bonse ababemu bakonalwa lakukabapo na kuntangile kubafya kubifya. ³⁹ Ipusukilo kyabalungeme lifuma kuli Yawe; enkosho mumpindi iyakukatasha. ⁴⁰ Yawe ilabofwelesha nekubapulusha, ilabapulusha kubafya kubifya ne kubalubula pakuti ye ecubo cabo.