1 Icalo caba Yawe, nefiswilemo, icalo nabonse abekalamo. 2 Pakuti bali abikile peulu lya finika nekucikalika peulu lya manika. 3 Ninani uukanina ulupili waba Yawe? Ninani uukemakana mumupunda wakwe uuswetele? 4 Uyo uukwete amaboko aaswetele wemutima uushililile. Uyo uutasuntulapo peulu icabufi; kabili talapapo icakulapa mukweba ati atumpaike. 5 Akapokelela ishuko ukufuma kuli ba Yawe kabili nekulungama ukufuma kuli ba Lesa bakupulusha kwakwe. 6 Icilifyo citentekwa cababo aba ba fwaya abo abafwaya icinso caba Lesa wakulabila kwaba Lesa. 7 Inuneni peulu imitwi yenu, mwebo mwemilyango; mube abakwinuka peulu, imilyanga iyanshiku shonse, ifyo ati imfumu yabuleme ingesa mukwingilamo! 8 Niisa iyi imfumu ya bulemu? Ba Yawe, abakasele nebukulu; ba Yawe, abakulu mu kulwa. 9 Suntuleni peulu imitwie yenu, mwebo mwemilyango; mube aba kusuntulwa peulu imilyango iya muyaya: ifyo ati imfumu iyabuleme ingesa mukwingilamo! 10 Niisa iyi imfumu yabyleme? Ba Yawe aba mabumba. Emfumu iyabuleme. Kulabila kwaba Lesa.