¹ mweba Lesa wanji, mweba Lesa wanji, nindo mwanshila nebo? Nibo mwabela ukutali ukubula ukunpulusha nekutalamuka kumashiwi akutongela kwanji? ² Mweba Lesa wanji, ndalila namukasuba, sombi tamwasukapo, kabili ubushiku bhikutumanapo. ³ Nangabefyo muliswetelele; mulikele ni mfumu nekulemiwa kuli isilaeli. ⁴ Ififyashi fyenu fyalupemamo muli mwebo; balipemenemo muli mmwebo, kabikli kamu bapulusha. ⁵ Bali mulilileni mwebo kabili kamuba pulusha. Bali pemenemo muli mmwebo lomba tababele ne nsoni. ⁶ Sombi nebo nditile nshili muntyu, cinangwa ku bantu kabili iciculilwe ku bantunshi. ⁷ Bonse abo abambona balanseka ukwakumpufya; balancela; balapukumya ne mitwi pali nebo. ⁸ Balalabila ati, "Alapemupulushe. Yawe, ba Yawe ngabamupulushe. Ngabamupulushe, pakuti balasangalalila muli ye." ⁹ Pakuti mwebo mwalimfumishe munda, mwalindengele ukumupemenimpmili nacilikumabele aba mayo. ¹⁰ Nalifyalilwe pali mwebo nebo pakufuma munda; nimwe ba Lesa wanji ukufuma ili na cili munda muli ba mayo! ¹¹ Tekuntalamuka nebo, pakuti ifyakukatasha fili a pepi; tapalipo neli waku ngofwako. ¹² Abacende na ng'ombe abaku calo ca bashani banshinguluka nebo. ¹³ Balukucenamwina tetunwa twabo kuli nebo koti kubuluwa kwa nkalamu paku monsala iyi yaikata. ¹⁴ Nebo ndukwitululwa koti menda, kabli ama fupa angi ali sokokele mu malundo. ututima wannji uli koti fipepe fyaa buci; ulasungulucila mukati mumala anji. ¹⁵ Amakosa anji aliumeni koti cipeswa ca cijinga; ulumini lwanji lulukulambita ku cilakafwa ca kanwa kanji. Mulindalicile mwifukuta lyamfwa. ¹⁶ Pakuti imbwa shanshinguluka nebo; ibumba lyabakuibifya lyaleka pakati; batibula nemapi anji ne makasa anji. ¹⁷ Ninga apenda onse amafupa anji. Balandolesha nekulu kuntamba. ¹⁸ Ba abana nefyakufwaya fyanji abena na bene. Bateya nefipa oafya kufwala fyanji. ¹⁹ Tekuba ukutali, mweba Yawe; napapata mwendeshe ukungafwako, mwamakosa anji! ²⁰ Mupulushe umweo wanji ku mpoko umweo wanji wenka ku mala a mimbulu. ²¹ Mpulusheni ukufuma ku kanwa ka nkalamu; mupulusheni ukufuma kamasengo ang'ombe sha mu mpanga. ²² Nkatulisha ishina lyenu kuba kwasu; pakuti ke bumba lye bungano nkamutotaisheni. ²³ Mwebo bakamufyalwa ba Yawe, batataisheni! Bonse bakamufyalwa bakwe Yakobo, bachindikeni! imakaneni ne mwenso palibo, bonse bakamufyalwa bakwe isilaeli! ²⁴ Pakuti tabasulile neli kubukla ukusakamana impesho lya uyo ulukupenga; ba Yawe tabafisapo icinso cabo kuli ye; ili ulukupenga alilila kulibo balimumfwile. ²⁵ Ukutotaisha kwanji kukabelako kuti pali mwebo mwibungano ili kulu; nkesushisha ukulayana kwanji pamenso ababo aba batina. ²⁶ Abo bampeseshe bakalya nekwikuta; abo abafwafwaya ba Yawe bakabatotaisha. Imitima yenu ngaikale ne mweo inshiku muyayaya. ²⁷ Abantu bonse abapa calo capanshi bakanuka nekwa lulukila ba Yawe; ifisolo fyonse ifyamufyalo fikenamisha kuntangile yenu. ²⁸ Pakuti ubufumu bwaba Yawe; nibo ebekalika pakati pafyalo. ²⁹ Bonse abantu abaatakalashi bakalukulya neku labila; abo bonse abalukuselucila mwiloba bakenamisha pamenso akwe, abo abatekuti bacicile imyeo yabo ukufwa. ³⁰ Icitentekwa icikesapo cikabapyunjila; bakaceba icitentekwa icikakonkopo ifya shikulu. ³¹ Bakesa kabili ne kweba ifya kulungama kwabo; bakeba abantu abangafyalwa ifibo bacitile.