¹ Basekelelwe ba Yawe, ilibwe lyandi, mwebasambilisha amaboko yandi kunnkondo ne fikumo fyandi ku bulwi. ² Muli bufwana bwandi, mumibele ne kunsenga, mwe cimuti icitali mweba mpulusha nebo, mwenkwela muli mwebo emo nfisama, nimwebo mwebabika imishoobo yonse panshi yandi. ³ Ba Yawe, ngo muntu mulamubona shani neli umwana wamuntu mulanguluka shani pali ye? ⁴ Umuntu ali koti mupu; nenshikushakwe shili joti cinshingwa icilukuya. ⁵ Mulalenga amakumbi ukuwa ne kwima, ba Yawe; mulekata pa mpili ne kulenga ukuputumuka. ⁶ Tumeni ukubwita kwakampeshimpeshi ne kusalanganya abalwani bandi; laseni ubuta nekubabwesesha kunuma mucimfulunganya. ⁷ Fungululeni ukuboko kwenu ukufuma kwiulu;mpulusheni nebo mumenshi ayengi ukufuma mumaboko yabena fyalo. ⁸ Utunwa twabo tulabila ifyabubi ne maboko yabo ayakukulyo tayakwetepo ubulibulo. ⁹ Ndemwimbileni ulwimbo ulwabukumo kuli mwebo, ba Lesa; pali kalimba akaline myando ikumi ne kumwimbila ishina kumushinshimuneni mwebo, ¹⁰ mwebwpela ipusukilo ku mfumu, mwebapuswishe davidi mubomfi wenu ku mpaku iyibipile. ¹¹ Mpususheni nebo ne kuleka relukuya nebo mumaboko yabena fyalo. utunwa twabo tulalabila ifyabufi nemaboko yabo aya kulyo tayakwetepo ubupilibulo. ¹² Lekeni abana besu beba koti fisabo ifilekula mukwisushiwa mu bulumbwana bwabo ne bana besu abbanakashi koti ku waminishiwa koti fimuti fyamumakona, ifibalinganya koti fya pamusumba. ¹³ Lekeni amatala yesu shiwe ne busomboshhi muli fyonse muleka ne mbelele shenu shisandane amakana ne makumi yamakana mu mabala. ¹⁴ Pano ne ng'ombe shenu shikakwate abana abengi, takulipo neli umo ajataba ifibumba; takulipo abakasendwa mulibunkole ne ukulila mumusebo. ¹⁵ Basekelelwe abantu abo nekusekelelwa; insansa shabantu abo ba Lesa ni ba Yawe babo.