¹ Ba Yawe, kutikeni ukulila kwandi kuli mwebo, mwise bukumo kuli nebo. Teyanikeni ukutwi kwenu kwishiwi ili ndukumwiteni mwebo. ² Lekeni ukutembela kwandi kwa maboko mwiulu kube koti kuttula amalambo ya bushiku. ³ Ba Yawe bekeni umulindhi pa kanwa kandi; nekucingililila umulyango wa milomo. ⁴ Mwileka umutima ukucita icibipile neli ukusangwa mukucita ifibipile ne balalume ababeleshe ukucita ifibipile mwileka nelyeko fyonse kufyalya fwabo. ⁵ Lekeni umuntu umulungeme ampume nebo; cilukuba iciweme kuli nebo. Mu lekeni anungamike nebo, cibe koti mafuta ku mutwe; muleke ne mutwe wandi upokelele sombi ukutembela kwandi kwakulwisha imibele yafibipile. ⁶ Bakapingula wabo bakaposwa panshi ukufuma kwiulu kya mutenge; eli bakomfwa kwebati amashiwi yandi epo yali. ⁷ Eli bakalabila, "cili koti muntu uwalima nekukepula umushili, eficili nakumafupa yenu yakasangala niswi wa kukanwa kaka nindi." ⁸ Mu cine lukoso amenso yandi yali pali mwebo ba Yawe, mwe shikulu; muli wembo emo nfisama; mwileka umweo ukulekeleshiwa. ⁹ Ncingilileniko mufyakwikasha ifibampekanishisheko nebo, ukukuma ku fibeyo fyababo imibele yabo yakucite ifibipile. ¹⁰ Lekeni ababipile bawile mumasumbo yabo ili ndifyuka.