¹ Mweba Yawe mwebo mwanjesha, kabili muli njishi. ² Muli njishi ili naikala panshi kabili neli naima; mula omfwa alangulushi yandi ukufuma ukukali makosa. ³ Nulashilolesha inshila shandi kabili nekulala panshi kwandi. Muli nebwishibila bwa nshila shandi shonse. ⁴ Pakuti kuntashi ilitakuyaba ishiwi palumini lwandi, mulilwishi ukushilililo mweba Yawe. ⁵ Kunuma yandi nakuntanshi mulanshinguluka neubuk ukuboko kwenu pali nebo. ⁶ Ukwishiba ukwabula koti nikuku kwafulisha pali nebo, mfwa peulu kabili tekuti mfikepo. ⁷ Nikwisa ukuningaya ukufuma kumupashi wenu? Nikwissa ukuningaya butukila ukufuma ku cinso cenu? ⁸ Kani naima pelu ukuya ku maulu, uko eko muli, kani napanga ubulo bwandi mu sheoli, boneni, uko eko muli. ⁹ Kani napelalanaya pa mapindo aya lucelo nekuya mukwikala mulya umtalimpishe muntu beya ukwabuka inika, ¹⁰ nangu nikulya ukubokowenu kukantangilila, ukuboko kwenu ukwakulwene kukweka tapali nebo. ¹¹ kani nalilabile ,''Icine imfinshi ikamfmba kabili nekutuba kukaba nimfinshi ukushinguluka,'' ¹² nangu ni mfinshi kuli mwebo. Ubushiku bukatuba koti kasuba. pakuti ukufita nekutuba fyonse fibili pamo kuli mwebo. ¹³ Mwalifipangile ifipangile ifilewa fya mukati muli nebo mwalipangile munda muli ba mayo. ¹⁴ Nkamulumbanya pakuti ndi uwakutinwa kabili uupangilwe bwino. Imilimo yenu iiweme. Umweo wandi ulishibille fi bwino makosa. ¹⁵ Amafupa andi tafisemepo ukufuma kuli mwebo, ili napangilewe mubumfinshi, ilinapangilwe mukufisama mukuya panshi ukwa mu mushili. ¹⁶ mwali mbwene mukati mukapafu; inshiku shonse ishapelwe kuli nebo shalilembelwe mwibuku nangu ni pantangiletapa ngacitika. ¹⁷ We kuwama mangulushio enu kuli nebo. mwebo Lesa! ¹⁸ Kani naesho ukufipenda, filaba ifingi mu mpendwa ukucila umusenga. ilinabuka, Ndaba kabili pamo na mwebo. ¹⁹ kani lukoso mungepaya imbifi, mweba Lesa; ukufumako kuli nebo, mwebalalume abalukansa. ²⁰ Bala inka ukumwalukileni kabili nekucita ifyo kutumpaikwa; abalwani bobe balalabila ifya bufi. ²¹ Kanshi nebo nshibapatilepo abo , mwebo Yawe, aba mupatileni? Kanshi nebo nshibebaulapo abo abema ukumwalukileni? ²² Ndibapatile ukushilila;baaluka abalwani bandi. ²³ Mfwailisheni, mweba Lesa, nekwishiba umutima wandi; njesheni nekwishiba amalangulushi andi. ²⁴ Boneni kani emo ili ishilay kubifya muli nebo, kabili muntangilile mu nshila iya kuya mukutwalilila