1 Abo abacetekele muli ba Yawe bali koti lupili lya Zion, lulutasunishiwapo, lwaiminina ndi umuyayaya. 2 Koti fintu shashunguka Yelusalemu, efi ba Yawe bashunguluka abantu babo pano ne muyayaya. 3 Inkonto yambifi tayelelwepo ukuteka mu calo caba lungame epali abalungami bacita ifibipile. 4 Cuteni iciweme Yawe, kuli babo abaweme kalili na babo abololokele mu mutema yabo. 5 Sombi kuli babo abafuma munshila shabo ishipondeme, ba Yawe bakubatungulwila ukufuma kuli bancita tubi.