¹ Nalitemuwa ba Yawe pantu balomfwa ishiwi lyandi ne kupapata kwandi. ² Pantu alangumfwa, nakwata pali ye inshiku ishamweo wandi. ³ Imyando yamfwa yalinshingulwike, ne fyakumalama fyakumbo fyalinjikele; nalyafwile ubukali ubukule ne bulanda. ⁴ Cii naitile peshina lyaba Yawe, "Bapapata ba Yawe, lupusheni umweo wandi. ⁵ Ba Yawe bankumba kabili ba mulinganya, ba Lesa wesu ba bankumbu. ⁶ Ba Yawe balacingilila abakubula akalango, " Nalisalukilwe kabili alimpulwesha. ⁷ Umweo wandi walibwelele pa ncende yakutusha. ⁸ pakuti ba Yawe baliba abaweme kuli nebo. ⁹ Nakubombela ba Yawe mu calo cabali ne mweo. ¹⁰ Nalicetekele muli ye, neli nalatile, ¹¹ "Ndipenshiwe apakuti." Mukufulunganishiwa kwandi nalilabile, " Bonse abantu babifi." ¹² Nakubalipila shani ba Yawe pa luse lwaba Yawe kuli nebo.? ¹³ Nakusuntula ulukombo lwa kupulusha, ne kwata peshina lya ba Yawe. ¹⁴ Nakufukilisha imilapo shandi kuli ba Yawe pa cinso ca bantu bonse. ¹⁵ Iciwamisha oa cinso ca ba Yawe nimfwa ya bashilile bakwe. ¹⁶ Ba Yawe, ca cine ndumusha wenu, ndumusha wenu, umwana mwalalume wamusha wenu umwanakashi; mulikakwile ne minyololo yandi. ¹⁷ Nakupela kuli mebo ilambo lyakutota kabili nakwita na peshina lyaba Yawe. ¹⁸ Nakufukiliosha imilapo yandi kuli ba Yawe pa cinso ca bantu bonse, ¹⁹ mu mansa sha ng'anda ya ba Yawe, mukati ka wewe Yelusalema. lumbanyeni ba Yawe.