1 Muli ba Yawe emo ncetekela; mbashani mulukulabila kumutima wannji ati, "fyuka koyo kulupili lobe koti cuni." 2 Pakuti, boneni! Babakubifya bulukufuno buta. Balukutekama umufwi mulushinga ati bapose pamfinshi kubalungeme mumitima. 3 Kani ifyamumufolwa waku ng'anda fikkonaike, abalungeme mbabakacita shani? 4 Ba Yawe bali mwitempele lyabo ili dwetelele; itebe lyaba Yawe lili kwiulu; amanso yabo yalabona, nankope shabo nasho nekwesha abana babantunshi. 5 Ba Yawe balesha abalungeme sombi imbifi nawoyo utemenwo ubungwa, umutima wabo ulabafitilwa. 6 Pambifi bakaloka ifyalishiteya umulilo nemabwe yamulilo necipupu camulilo fikacabanishiba munkumeki yashisho! 7 Pakuti ba Yawe balilungeme; balatemwe filungeme, abatekenye bakababona pamenso.