¹ Uyo uwaikla umwa fisama umwa wapulamo akwikala mu cimfule ca wa makosa onse. ² Kalalabila kuli ba Yawe, "ecubo cangi ilinga lyangi, ba Lesa bangi muli mwe emo na cetekela." ³ Bena bali ne ku kupokolola ku busanso ubo ushenekele na ku fikuko fyaba mfwa. ⁴ Bali ne ku kufimba na mapindo abo, na mu mapindo abo emo wakusanga icubo. Icine cabo ni nkwela ne bucingo. ⁵ Wiiba nomwenso ku fitinya mu bushiku, neli mufwi uyo upupuka akasuba, ⁶ neli cikunko icipila cineshinguluka mu fimfi, neli bulwele ubwisa mu pindi ya cungulo. ⁷ Ikana limo koti bawa ku pelo yobe ne makana iikumi kukulyo kobe, dombi tekuti ba kusange. ⁸ we weila ula langulukane ku bona ukukandwa kwa ba bifi. ⁹ Ba Yawe e cubo cangi! Lengeleni u wapulamo abe icubo cesu naco. ¹⁰ Takupo umulwani uka kucikila we, ne pumo ta shakuse mupepi ne ng'anda obe. ¹¹ Bena ba kalangilila abangela babo kukucingilila we, nekukulinda mu nshila shone. ¹² Ili baka kwimya peulu ne konoko kwa abo pakuti wikatutula amakasa obe pe bwe. ¹³ Uka shonaula ikalamo na ngoshe pashi amakasa obe; ukanyanta pa tukalamo utunono ne cisoka. ¹⁴ Pali fifi mwalinsala ne, ngine kubapulusha ngi ne kubacingililila pali fifi mba kuli nebo. ¹⁵ Eli baita pali nebo, nginekuba suka. Ngine kuba nabo na mu mapesho, nginekubapela ukucimfya nabo bakaba cingika. ¹⁶ Ngine ku batabalisha ne shiku ishafikapo na kubolanga uku pulusha kwangi.