1 Abashukile nibabo abo nshila shabo tashakwatapo akalema,mabenda mu malango ya ba Yawe. 2 Abashukile nibabo abasunga amafunde yakwe, aba mufwaisha ne mitima yabo yonse. 3 abacitapo ifyakubifya, bendela mushila shakwe. 4 Mwalitwebelo ukusunga inkonka shenu pakweba ati twaku yakonka. 5 Pakwena ati nakupampamikwa mukukonka amalango yenu! 6 Eli nshakulengwapo insoni ulu nakulanguluka pa mafunde yenu. 7 Nakupela uklutota kuli mwebo ne mutima uwololweke ulu nakwishiba pa fya kulabila fyenu ifilungeme. 8 Nakukonkka amalango yenu; mwinshapo neka. 9 Pano umuntu umwanike angasunga shani inshila yakwe mukubula ukukowesha? 10 Mukumfwila icebo ca ba Yawe. Nakumufwaisha ne mutima wandi onse; mwindekapo mfumme kumafunde yenu. 11 Ndisungila icebo cenu mu mutima wandi pakweba ati nikabifyapo kuli mwbo. 12 Mulilalwe, mwe ba Yawe; nsambisheni amalango yenu. 13 Kukanwa kandi ndilabile pali fyonse ifyakulabila fyenu ifilungeme ifi mwasokolwele. 14 Ndasangalala munshila sha fyakulabila fyacipangano ukucila pa bunonshi bonse ne kubukako akalango ku nshila shenu. 15 Nakulukwalanganisha mufyakufunda fyenu nekushilama bwino inshila shenu. 16 ndasangalala mu malango yenu; nshakulubako ku cebo cenu. 17 Beni ne luse ku musha wenu pakweba ati nakuba ne mweo ne kusunga icebo cenu. 18 Isuleni amenso yandi pakweba ati ningamona ifintu ifyamakankamike mu malango yenu. 19 Ndimweni mu calo; mwifisapo amafunde yenu kuli nebo. 20 Ifyakufwaisha fyandi filyonawile ne kufufwaisha ukwishiba ifyakulabila fyenu ifilungeme ishita yonse. 21 Mulakalipila abalitutumwine, abati[pilwe, abendauka ukufuma ku mafunde yeni. 22 Mfumweniko kumusebanya ne kusulwa, pantu ndomfwila ifyakulabila fyenu ifya cipangano. 23 Nangaba ati bakateka bampingila ne nekulabila ifyabufi pali nebo, umusha wenu akulanguluka pa malango yenu. 24 Ifyakulabila fyenu ifyacipangano ensangalashi shandi, ne mpanda mano shandi. 25 Umweo wandi ulikatilile kwi loba! Mpele ni umweo pa cebo cenu. 26 Nalimwebele inshila shandi, kabili mwalijasukile; nshabisheni amalango yenu. 27 Lekeni ngumfwakishe inshila sha nkonka shenu, pakweba ati ningalanguluka pa masambilishe yenu ifyakupapa. 28 Ndicimfiwe ne bulanda! Nkosheni pa abo anu. 29 Mfumyani munshila yakulufiwa, mukufula lwa luse nsabilisheni amalango yenu. 30 Ndisalile insala yabucine; lyonse ndisunggile ukulabila kwacipangano cenu kuli nebo. 31 Ndikatilile kufyakulabila fyacipangano kwenu; ba Yawe, mwindengapo insoni. 32 Nakubutukila munshila yamafunde yenu, pantu mwebo mulekushe umutima wandi pakucita ifi 33 Nsambisheni ba Yawe, inshila sha malango yenu, kabili nakuyasunga mpaka na kumpelo. 34 Mpeleni ukumfwikisha, kabli nakusunga amalango yenu; nakuyakonka ne mutima wandi onse. 35 Nangululeni munshila sha nafunde yenu, pantu nsangalala pa mwenda muli ye. 36 Langeni umutima wandi munshila sha fyakulabila fya cipangano fyenu ne kufuma kunonka ukushilungeme. 37 Fumweni amenso yandi mukulolesha ifintu ifyafye; mbubweleshenimo munshila shenu. 38 Ifikilisheni kumusha wenu icilayo icimwapangile kuli babo aba mulemya. 39 Fumwenipo amatuka ayo ntina, pantu ubupingushi bwenu ubulungeme buweme. 40 Bona, nalikabile inkonka shenu; mbweleshenimo mu bulungami bwenu. 41 Ba Yawe, mpeleni ukutemwa kwenu ukulafulwapo - ukupulysha kwenu , ukukonka ne cilayo cenu, 42 eli nakukwata ubusuko kuli uo uyo ueinseka pantu nditekela mu cebo cenu. 43 Mwifumyapo icebo cenu pa kanwa kandi; pantu isubilo lyandi lili mufyalulabila fyenu ifilunfeme. 44 Nakukonka amalango yenu mukutwalilila, umuyayaya. 45 Nakwenda uwangililwe, pantu mfwaisha inkonka shenu. 46 Nakulabila pa mafunde yenu, pa shamfumu kabili nshakukapo ne nsoni. 47 Nsangala mu mafunde yenu, ayo ntemenwe apakulu. 48 Nakusuntula amaboko yandi kumafunde yenu, ayo ntemenwe; nakulanguluka pa malango yenu. 49 Ibukisheni icilayo cenu kumusha wenu pantu mulimple isubilo. 50 Uku ekutusha kwandi mukukatashiwa kwandi; ukweba ati iclayo cenu cililengele nebo ukub ne mweo. 51 Abalitutamwine bali mpontele; nangabefyo nshifunipo kumalango yenu. 52 Ndilangulukile pa fyakulabila fyenu ifilungeme , pa nshita iyitali, ba Yawem nddalipela ukutusha. 53 Ubukali ubukabila kwalinjikete pamulandu wa mbifi ishakene amalango yenu. 54 Amalango yaliba ni nyimbo shandi mu ng'anda yabukebeshi bwandi. 55 Ndalanguluka peshina lyenu mu bushiku, ba Yawe, kabili na kusunga amalango yennu. 56 Caliba cintu ncita pantu ndacita inkonka shenu. 57 ici ecikwatwa candi, ndisalile ukucita icebo cenu. 58 Muli bucine ndelomba ukusenaminwa kwenu ne mutima wandi onse; mube ne nkumbu kuli nebo, koti fintu icebo cenu calaile. 59 Ndilolekeshe munshila shandi ne kwalwila amakasa yandi kufyakulabila fyacipangano fyenu. 60 Ndangufyanya ukwakubula ukukokola mukusunga amafunde yenu. 61 Imingololo yaba ibifi ili nkobele; nshilubileko kumalango yenu. 62 Pakati kabushiku ndema mukupela ukutota kuli mwebo pafya kulabila fyenu ifilungeme. 63 Nimubyabo wa babo abamilemya, kuti bonse abo abacita inkonka shenu. 64 Isonde, ba Yawe, liliswilwmo ne fipangano yenu ifyacine, nsambilisheni amalango yenu. 65 Mulicitile iciweme kumusha wenu, ba Yawe, pa cebo cenu. 66 Nsambilisheni ukulingulula ukuweme ne kwishiba, pantu ndicetekele mu mafunde yenu. 67 Ulu nshilakatashiwa nalifumine munshila, sombi pano ndacita icebo cenu. 68 Muliweme, kabili nimwebo mwebacita iciweme; nsambilisheni amalango yenu. 69 Abalitutumwine balinkantaike ne bifi, sombi ndadunga inkonka shenu ne mutima wandi onse. 70 Imitima yabo iikosele, sombi nakusangalala mu malango yenu. 71 Ciweme kuli nebo pakuti nalioenshiwe pakweba ati ningeba amalango yenu. 72 Inkonka shakufuma pakanwa kenu shiliwamishepo ikucila ifipinswa amakana ifya siliva na golide. 73 Amaboko yenu yalimpangile ne kumumba; mulimpele ne kwishiba pakweba ati ningeshiba amafunde yenu. 74 Abo aba milenga bakusangalala ulu bakumbona pantu ndasanga isubilo mu cebo cenu. 75 ndishibile, ba Yawe, ifyakubila fyenu fyamulinganya, kabili na muli bucine bwenu mwalimpenseshw. 76 Lekeni icipangano cenu cimpele ukutusha, koti fintu mwalaile umusha wenu. 77 Ndangeni uluse pakweba ati ningaba ne mweo, pantu amalango yenu ensangalashi shandi. 78 Lekeni abalitutumwine balengwe insoni, pantu balilabile ifyabifi pali nebo, sombi nakulanguluka pa nkonka shenu. 79 Lekeni abo abamulemya bapilibukile kuli nebo, abo abeshile ifyakulabila fyacipangano fyenu. 80 Lekeni umutima ube wakubila umulangu ku malango yenu pakweba ati nshakulenfwapo insoni. 81 Ndipelelwe amakosa ne kufwaisha pakuti mungampulusha! Ndinesubilo mu cebo cenu. 82 Amano yandi yafwaisha ukubona icilayo cenu; eli mwakumpela ukutusha. 83 Njaluke koti ni nyambi mucushi; nshilubako ku cebo cenu. 84 Ngani panshiku shinga apo umusha wenu elelwe ukushipikisha muli ifi, miwakupingula lisa abo aba ndamata? 85 Abalitutumwine balimbile ubucinga pali nebo, ukwakubula ukutina amalango. 86 Amafunde yenu yacishinka; abantu abo abandamata pafya bufi; njafweni. 87 Bali mupepi ne kupanga ukupelako kwandi pe sonde, sombi nshikanapo inkonka shenu. 88 Ndengeni ukuba ne mweo, pa kutemwa kwenu ukwacine, pakweba ati ningomfwila amafunde yenu. 89 Ba Yawe, icebo cenu ciliminine umuyayaya; icebo cenu cilipampamikwe mu mulu. 90 Bucine bwenu bwakuba kufitentekwafyone; muli pampamike isonde, kabili lyakubelelela. 91 Fyonse ifintu fyakutwalilila ukufika pali buno bushiku, koti fintu mwalabile mufyakulabila fyenu ifilungeme, pantu ifintu fyonse basha benu. 92 Amalango yenu ngatayalipo ninsangalashi shandi, nganalilobele mu mapensho yandi. 93 Nshakulubako ku nkonka shenu, pantu ni muli shonemo mwandengele ukuba ne mweo. 94 Ndi wenu; mpulusheni, pantu mfwaisha inkonka shenu. 95 Imbifi shilipekenye ukungonaula, sombi nakufwaisha ukumfwikisha ifyakulabila fyenu ifya cipangano. 96 Ndibwe ukweba ati ifintu fyonse filikwete apakupelako, sombi amafunde yenu yalipabukile ukwakubula apakpelako. 97 Ifi natemwa amafunde yenu! Fyakulangulukapo fyandi konse akasuba. 98 Amafunde yenu yalandenga ukubelako ne lwishibila abalwani bandi; pantu amafunde yenu yali na nebo lyonse. 99 Ndikwete ukumfwikisha ukucila abasabilishi bandi, pantu ndalanguluka pa fyakulabila fyenu ifyacipangano. 100 Njumfwikishe ukucila abakulu pali nnebo, pantu ndisungile inkonka shenu. 101 Ndisungile amakasa yandi ukufuma munshila shonse ishabubufi pakweba ati ningacita icebo cenu. 102 Nshifuminepo kufyakulabila fyenu ifyacipangano, pantu ni mwebo mwandanga. 103 Yangu ifi calowa icebo cenu, ehe, cililowele ukucila ubuci mu kanwa kandi! 104 Ukupitil munkonka shenu ndikwete ukwiluka; napali fifyo ndipatile inshila sha bufi. 105 Icebo cenu ninyali kumakasa yandi kabili lubuto mu nshila yandi. 106 Ndilapile kudhininkidha ici ukweba ati nakucita ifyakulabila fyenu ifilungeme. 107 Ndipeshiwe; ndengeni ukuba ne mweo, ba Yawe koti fintu mwalaile mu cebo cenu. 108 Ba Yawe, napapata pokeleleni ilambo lyakufuma pa kanwa kndi ne kusambisha ifyakulabila fyenu ifilungeme. 109 Umweo wandi uli mu minwe yandi lyonse, nangabefyo nshilubako ku malango yenu. 110 Imbifi shiliteyele iciteyo pali nebo, sombi nshafumapo ku nkonka shenu. 111 Ndimbula ifyakulabila fyenu ifyacipangano koti cikwatwa candi umuyayaya, apntu ninsangalashi sha mutima wandi. 112 Umutima wandi ulibikilwe pa kucita amalango yenu umuyayaya mpaka na kumpelo. 113 Ndipatile abo abali ne malangulushi yabili, sombi nalitemwa amalango yenu. 114 Muli ncende yandi iyakufisamamo ne nkwela; ndine subilo me cebo cenu. 115 Fumeni kuli nebo, mwebacita ifyakubifya, pakweba ati ninga cita amafunde ya ba Lesa wandi. 116 Ntungilileni, pa cebo cenu pakweba ati ningaba ne mweo kabili nebapo ne nsoni pe subulo lyandi. 117 Ntungilileni, kabili nakuba nakupuluka; nakulanguluka lyonse pa malamgo yenu. 118 Mulakana bonse abo abafuma ku mamango yenu, pantu abantu abo babufi kabili tabacitekelwepo. 119 Mulafumyapo imbifi pe sonde koti ni fisoso; napali fifyo naletemwa anafunde yenu. 120 Umubili wandi ulatutuma mu mwenso kuli mwebo; kabili ndatina ne fyakulabila fyenu ifulungeme. 121 Ndacita ifulungeme ne fiweme; mwindekeleshapo kubantitikisha. 122 Ushininkishe ukusungwa kwa musha obe; wilekapo abalitutumwine ukumutityikisha. 123 Amenso yandi yalileme koti iluntu nkololela ukupulusha kwenu ne cebo cenu icilungeme. 124 Langeni umudha wenu icipangano cenu icacine,kabili musambilishe ne malango yenu. 125 Ndimusha wenu; mpeleni ukumfwikisha pakweba ati ningeshiba ifyakulabila fyenu ifya cipangano. 126 Ninshita ya ba Yawe iya kucita, pantu abantu bali tobele amalango yenu. 127 Ca cine cdutemenwe amafunde yenu ukucila pali golide, ukucila pali golide iyi wamishe. 128 Napali fifyo ndakonka shonse inkonka shenu, kabili ndipatile ne tushila utwabufi. 129 Amafunde yenu yawamishe eci nebo njomfwila. 130 Ukufunguluka kwa cebo cenu kupela ulubuto; kulapela ne kumfwisha kuli babo abatakanshika, kuli babo abatakanshiwepo. 131 Ndiswele akanwa kandi ne kupemashika, pantu mfwaisha amafunde yenu. 132 Pilibukileni kuli nebo ne kukwata inkumbu pali nebo, koti fintu mucita lyonse kuli babo abatemene ishina lyenu. 133 Tungululeni intampulo shandi pa cebo cenu; mwileka ukubifya ukuli konse kunteke. 134 Mpulusheni kukututushiwa kwa muntu pakweabba ati ningacita imkomka shenu. 135 Lekeni icinso cenu cibengeshime pa musha wenu kabila nsambilisheni amalango yenu. 136 Utumilonga twafilamba tulafuma mu menso yandi pantu abantu tabacitapo amalango yenu. 137 Muli lungeme, ba Yawe, ne fyakulabila fyenu fyamulunganya. 138 Mulipele ifyakulabila fyenu ifyacipangano mubulungami na bucine. 139 Ubukali balinganawile pantu abampakasa balilibileko ku cebo cenu. 140 Icebo cenu cilyeshiwe apakulu, kabili umusha wenu alicitemenwe. 141 Ndicepeshepo kabili uwasulilwe, nangabefyo nshilubako ku nkonka shenu. 142 Ubulungami bwenu bwa cine umuyayaya, ne malango yenu yalyelelwe ukucetekela. 143 Nangula amakatasho ne malangulushi silinsangile, amafunde yenu ensangalashi shandi. 144 Ifyakulabila fyenu ifya cipangano filungeme umuyayaya; mpeleni ukumfwakisha pakweba ati ningaba ne mweo. 145 Nalibilikishe ne mutima wandi onse, "Njasukeni, ba Yawe, nakusunga amalango yenu. 146 Ndeta pali mwebo; mpulusheni, kabili nakucita ifyakubila fyenu ifya cipangano." 147 Mbuka kumaca nee kulilila ubwafwilisho. Ndine subilo mu cebo cenu. 148 Amenso yandi yalisukile ubushiku bonse pakweba ati ningalanguluka pa cebo cenu. 149 Abo abampakasa balukwisa mupepi na nebo, sombi bali ukutali ne malango yenu. 150 Umfweni ishiwi lyandi mu cipangano cenu icacine; ndengeni ukuba ne mweo, ba Yawe, koti fintu mwalaile mufyakulabila fyenu ifyacopangano. 151 Muli apepi, ba Yawe, ne mafunde yenu yalyelelwe ukucetekela. 152 Kale nalisambilile mufyakulabila fyenu ifya cipangano ifi mwabikile pa ncende umuyayaya. 153 Lolesheni pa mapensho yandi nekunjafwa, pantu nshilubako ku mafunde yenu. 154 Ndubulwileni icibululo ne kumpulusha; nsungeni koti fintu mwalaya mu cebo cenu. 155 Ukupulusha kuli apatali ku mbifi, pantu tabacitapo amalango yenu. 156 Ificitwa fyenu ifyankumbu fikulu, ba Yawe, ndengeni ukuba ne mweo koti fintu mucita lyonse. 157 Abampakasa ne fibambe fyandi ebengi, nangabefya nshafumapo kufya kulabila fyenu ifya cipangano. 158 Nabona abafutisa ne kuselaushiwa pantu tabasungungapo icebo cenu. 159 Boneni ificatemwa inkonka shenu, sungeni ne mweo, ba Yawe, koti fintu mwalaile -a cipangano cenu icacine. 160 Icinunko ca cebo cenu cishinka fyonse ifyakulabila fyenu ifilungeme fyakubako umuyayaya. 161 Umwana mwalalume wamfumu alampasa ukwakubula umulandu, sombi umutima wandi uleminina ne mwenso mu cebo cenu. 162 Nsangalala pa cebo cenu koti nyuyo uwasanga ifakutapa ifingi. 163 Ndipatile nekusula ubufi, sombi ndetemenwe icebo cenu. 164 Nshita shisano na shibili mukasuba kamo ndamulumba pamulandu wafyakulabila fyenu fiflungeme. 165 Fili mutende uukulu, abo abatemenwe amalango yenu; takulipo icibalenga ukulituttula. 166 Ndine subilo pakulusha kwenu, kabili ndomfwila ne mafunde yenu. 167 Nacita amafunde yenu, kabili naliyatemwa apakulu. 168 Ndasunga inkonka shenu ne mafune yenu, pantu mulishibile fyonse ifincita. 169 Umpfweni ukulila kwandi ukwa bwafwilisho, ba Yawe, peleni ukumfwikisha mu cebo cenu. 170 Lekeni ukupapaya kwandi kwise kuli mwebo; njafweni, koti fintu mwalaile mu cebo cenu. 171 Lekeni imilomo shandi shipongolole amalumbo, pantu mulansambilisha amalango yenu. 172 Lekeni lilulimi lwandi lwimbe pa cebo cenu, pantu yonse amafunde yenu ya cine. 173 Lekeni ukuboko kwenu kunjafwe, pantu ndisalile inkonka shneu. 174 Ndefwaisha ukupulusha kwenu, ba Yawe, kabili amalango yenu ensangalashi shandi. 175 Lekeni mbe ne mweo ne kumulumba, kabili lekeni ifyakulabila fyenu ifilungeme finjafwe. 176 Njendaukile koti nimpanga iyilubile; fwaisheni umusha wenu, pantu nshilubileko ku mafunde yenu.