¹ Lomba ba Yawe balilabile kuli Mose ati, ² "upoke Aloni pamo nebana bakwe babilo nefyakufwala, nemafuta ya kusufya nejombe yamulambu uwapa fyakubifya, nembelele ishalume sho bilo, necilukwa cafimpwapwa ifya kubulo musunga. ³ Ubunganye ibumba lyonse kumu lyango wesema lyebunyano." ⁴ Apo pene Moses balicitile koti nifyefyo ifya mububile ba Yawe; Lomba nebumba nekubungana kumulya ngo wesema lyebungano. ⁵ Eli Moses balilabile kwibumba ati, " ececo icafundle ba Yawe ati ngacicitwe." ⁶ Eli Moses baliletele Aloni ne bana bakwe abalalume, nekubasamfya kumenda. ⁷ Apo pene alimufwikile ilya nekubikamo nemushipi, nekumufwika nmwingila, nekubikako efodi, uupikilwe nemano, nekumukaka pali ye kuli bo. ⁸ Apo pene alibikile pali ye Icakulaminamo intibi, lomba mucakula minamo ico alibikile Yulimi na Tumimi. ⁹ Kabili alimufwikile mumutwi, insalu yapamutwi kabili pansalu iyo kumenso alitekele ice golide, umuntinya uswetelele; koti nifyafyo ifyamufundile Mose ba Yawe. ¹⁰ Eli Mose balibulile amafuta yakusufya, nekusufyapo pesema napali fyo fyonse ifyalimo, nekufiswesha. ¹¹ Kabili alisanshile ifyapa conte impindi shisanu nashibili, nekusufya paconto napafinkolonkolo fyakuko fyonse, napamusambilo napacapanshi cauo, nekufiswesha. ¹² Apo pene alifiitile ifyamafuta yakusufya pamutwi wakwe Aloni, nekumusufyapo mukumuswesha. ¹³ Apo pene Mose baliletele aba na bakwe Aloni abalalume, nekubafwika nemalaya, nekubakapo nemishipi, nekubakaka nefyapamitwi yabo: koti nifyefyo ifyamufundile Mose Ba Yawe. ¹⁴ Eli baliletele ingombe yamulambu uwapafyakubifya, eli Aloni ne bana bake bali tekele neminwe yabo pamutwi wagombe yamulambu uwapafyakubifya. ¹⁵ Eli aliipeye naye Mose balibulile imilopa, nekwibika pamasengo yaconto ponse ponse kumunwe yakwe, nekucishesha iconto, nekwitulwila panshi paconto, imilopa, nekuciswesha mukucicitila ukulamwina. ¹⁶ Eli alibulile amafuta yonse ayali pafyamukati, nalwisalila wacibu, nemfyo shobilo, nemafuta yashisho, Lomba Mose nekuoca paconto. ¹⁷ Sombi ingombe pamo necisewa nemunefu nebufulu alifyacele fyonse mumulilo pesonde lyacisasa; koti nifye fyo ifyamufundile Mose ba Yawe. ¹⁸ Apo pene alipele nembelele iyalalume iyamulambu uwakoca, nakbo aloni nebana bakwe bali tekele neminwe yabo pamutwi wambelele. ¹⁹ Naye aliipeye, naye Mose balisanshile nemilopa paconto ponse ponse. ²⁰ Eli alipampile imbelele, yaye Mose balyocela umutwi neminefu nemafuta. ²¹ Apo pene alisamfishe mumenda ifyamukati nemolu naye Mose balyocele imbelele yonse paconto. Mulambu uwakoca uwakununka bwino, mulambu uwa mumulilo uwakuli ba Yawe; koti nifyefyo ifyamufundile Mose ba Yawe. ²² Apopene alipele nayeyo imbelele iyalalume imbi, imbelele iyalalume iyakuliposa kuli ba Lesa: Eli ²³ Aloni nebana bakwe balitekele iminwe yabo pamutwi wambelele. Lomba aliipeye, eli Mose balibulile pamilopa yaiyo, nekwibika peulu lukoso lyakutwi, kwakwe Aloni ukwakulwine, napacikumo icakukuboko kwakwe ukwakulwine, napacikumo icikulu icakulukasa lwakwe ulwakulwine. ²⁴ Kabili aliiletele nebana bakwe Aloni, naye Mose alibikile ifyami lopa peulu lukoso ulwakutwi kwabo ukwakulwine, napacikumo icikulu icakulukasa lwabo ulwakulwine. Kabili Mose balisanshile imilopa paconto ponse ponse. ²⁵ Apo pene alibulile amafuta, nemucila samafuta, nemafuta yonse yali pafyamuicati, nalwisalila wacibu ne mfyo shobilo, nemafuta yashish, ne kasolo akakulwine; ²⁶ Eli mucilukwa cifi mpwampwa ufyakubulo musunga icali pamenso yaba Yawe ali bulile umukate umo uwakubulo musunga, nemukate umo uwashinkwa uwali nemafuta, necimbala cimo, nekufiteka peulu pamafuta napakasolo akakulwi ne; ²⁷ Eli alibikile fyonse muminwe yakwe Aloni namuminwe yabana bakwe nekufikupala ati mulambu uwakukupala pamenso ya ba Yawe. ²⁸ Apo pene Mose balififumishe muminwe yabo nekufyoca paconto peulu pamulambu wakoca ifyo ifya kuliposa kuli ba Lesa ifyakununko kuweme. Mulambu uwamumulio uwakuli ba Yawe. ²⁹ Eli Mose balibilile intibi nekwikupala ati mulambu uwaku kupala pamenso yaba Yawe iyo iyakwabana yakwe Mose iyapambelele iyalalume iya kuli posa kuli ba Lesa koti nifyefyo ifya mufundile Mose ba yawe. ³⁰ Apo pene Mose balibulilepo pamafuta yakusufya, napamiloa iyali paconto, ne kwisansa pali Aloni na pafyakufwala fyakwe, napa bana bakwe napa fyakufwala fyabana bakwe pamo nakwe, nekumuwesha Aloni, nefyaku fwala fyakwe, ne fya kufwala fyabana bakwe pamo nakwe. ³¹ Apo pene Mose balilabile kuli Aloni nakubana bakwe ati, "mwipile umunefu mumulyanyo uwa kwisema lyebungano, muliepo apo pamo nashinkwa uuli muci lukwa cakuliposa kuli ba Lesa koti nifyefyo ifi nafundile ati, Aloni nebana bakwe ebakufilya. ³² Apo pene ifyo ifyakushalapo ifyamunefu nefyashinkwa mukafyoce mumulio. ³³ Lomba apo teshi mukafume mumulyango uwakwisema lyebu ngano inshiku shisanu nashibili ku sha kuliposa kwenu, pakuti bakalukumuposha kui ba Lesa inshiku shisanu nashibili. ³⁴ Koti nifyefyo ifyacitwa nekasuba kano koti nifyefya ba ya Yawe efyo bafundile mukumucitile ukulamwina. ³⁵ Kabili mumulyango uwakwisema lyebungano emo mukalukukele akasuba nebushiku inshiku shisa nu nashibili ukulukulamo kubula kwaba Yawe, ningesa kufwa, kwaba Yawe ningesa kufwa pakuti koti nifyefyo efifindilwe. ³⁶ Apo pene Aloni nebana ba kwe abalalume balicitile ifintu ifyo fyonse ifyafundile ba Yawe kukuboko kwakwe Mose.