¹ Ba yawe kabalabila kuli Moses , ² Labila kubantu baba isilaeli uku labila ati kani umwanakashi aimita kabili nekufyala umwana umwalalume , pana akaba uwakubula ubwingino ukwatusuba tusona na tubili , koti fintu aba uwakubula ubwingino mumpindi ili ali mukusesa. ³ Pakasuba aka tusanu natutatu umunefu wa mwana umwalalume umusuti walilingile ukuputulwa . ⁴ Pano ukusamfiwa kwaba nyina ukufuma kukusesa kukatwa lilila ukwatusuba amakumi atatu na tutatu . Talingile ukwikata icili conse iciswetele nangu ukwisa mumupunda we kelesha ukufikila impindi shakusa mfiwa shakwe shashila. ⁵ Sombi kani afyala umwanau mwanakashi pano akaba uwa kubula ukusweta ukwa milungu ibili , koti fintu aba mu mpindi yakusesa .pano ukusamfwa kwaba nyina kukatwalilila ukwatu suba amakumi asanu na tusana na kamo . ⁶ Ili utusuba twa kusamfwa kwakwe twashila , ukwa mwana umwalalume nangu umwana umwanakashi , alilingile ukuleta akana kambe lele akali ne mwaka umo koti mulambu wakoca , kabili ne kana kankunda nangu ka ciba koti mulambu wakubifya, kumulya ngowa cisasa cakukuma nina mo ,kuli chipupila. ^{7 8} Pano ali nekuupela kuntashi yaba yawe kabili neku mucitila ukulamwina , kabili akasweshi wa ukufuma kuku kunko kwa mulopa wakwe ,ili efunde ilya ku mwanakashi wafyala umwana umwalalume nangu umwanakashi . Kani tekuti akwanishe akana kamelele , pano alilingile ukupinta inkunda shibili nangu abana ba kwaciba babili ,umo koti mulandu wa koca umbi koti mulambi wakubifya kabili na Chipupila akamucitila ukulamwuna pano akasamfiwa.''