¹ Apo pene Josefi alibilile pa menso pa ba wishi, ne kulilila pali bo, ne kubafyontapo. ² Apo pene Josefi alibafundile abantu bakwe abalaye ati bomyeni umubili wa ba tata. Lomba abalaye balimuumishe Isilaeli. ³ Apo pene balimukumanishe inshiku amakumi yane, pakuti fyefyo efi shikumana inshiku ishakumya umufu. Kabili aba Igiputi balimulilile inshiku amakumi ya sano na abili. ⁴ Apo pene pakupite nshiku ishakumulila, Josefi alilabile kubamug'anda yakwe Falao, ati, ''kani bukumo ndikwe ne uluse pamenso yenu, ndukumukombeteni ati mlabile mu matwi yaba Falao ati, ⁵ 'Ba tata balindapishe ati, ''Bona ndukufwa. Mu calo ca kanani. Emo ukanshika.'' Pakuti pali fyefyo pano musumine ati nkaye, nkabashike ba ata, eli nkabwela.''' ⁶ Apo pene Falao ati, ''koya, ukabashike ba wiso, toti ni fyefyo ifi ba kulapishe. ⁷ Apo pene Josefi aliile muku bashika ba wishi. Kabili aliile pamo ne ba pyunjishi bakwe Falao bonse - abakulu aba calo ca Igiputi, ⁸ pamo ne ba mug'anda yakwe Josefi bonse, ne aba mu calo Igipiti, pamo ne ba mu g'anda yakwe Josefi bonse, ba kwabo, ne ba mu g'anda ta ba wishi. Sombi utwana twabo ne tamanga yabo aya mbele ne ag'ombe alishilile mu calo ca Gosheni. ⁹ Kabili baliile pamo ne golofwana ne bantu aba pali bakafwalo. Lomba kwali libumba ilikulu. ¹⁰ Apo pene balifikile ku cibansa cakwe Atadi icakapumunapo, icili peshilya lya Jodeni,lomba apo kabili ne kulila ukukuklu ukwansoni shakuti. Kabili alibalilile ba wishi inshiku shisano. ¹¹ Apo pene injikale isha mu calo ico, aba kanani, ili shabwene ukulilokomukwapa pacibansa akwe Atadi, shalilabile ati, ''ukulilo ku kulemene kuba Igiputi.'' Pakuti pali fyefyo ishina lya pa po lyaliilikilwe ati ni Abeli mishilayimi, apali peshilya Jodeni. ¹² Apo pene abana bakwe abalalume balimjucitile koti ni fyefyo ifi abafundile. ¹³ Pakuti abana bakwe balimupintile ku calo ca Kaneni, ne kumishika mwicengo ilyamwibala lya Macipela ili umunyeti, pamenso pa mamile, ati libe pakushila. ¹⁴ Apo pene Josefi, ili ahikile ba wishi, lkibwelele ku calo ca Igiputi, ye ne bakwabo na wabo bonse abo aile na bo mu bashika ba wishi. ¹⁵ Apo pene abakwabo Josefi, ili ba bwene ati ba wishi fwe ballifwile, balilabile ati, ''cipupile Josefi akatufitilwa, ne kutubwesesho mulandu uwakukumana pakuti pakufifyoko konse uku twamucitile?'' ¹⁶ Apo pene balitumine amashiwi kuli josefi ati, ''Bawishinwe, ili tabangafwa, balifundile ati, ¹⁷ Mukalabile ifi kuli Josefi ati, ''Nalukukukombetela ati ukafitulukile ukupulaisha kwabakwanu, nekubi fya kwabo, pakuti balikucitile ukubi fya.'' Lomba bukumo, tulukumuko mbeteleni ati mukafitutukileukupulaisha kwabapyunjishi baba Lesa baba wishinwe.'' Apo pene Josefi alililile neminsoshi, ili balabile kuli ye. ¹⁸ Apo pene kabili abakwabo balilile nekwinamisha pamenso yakwe. Nekulabila ati, ''Boneni, tuli bantu benu.'' ¹⁹ Apo pene Josefi alilabile kuli bo ati, '' Mwitina. Kanshi ninebo ene ndi pamupunda waba Lesa? ²⁰ Apo pene mwebo, mwati muncite ukubifya, sombi ba Lesa balififwaile koti fiweme, ati fikabe koti nififino lelo, mukabapulusha abantu abenji ati bekale nemweo. ²¹ Pakuti pali fyefyo lomba , mwitina, nkalukumupeleni ifya kulya nekutupela netwana twenu.'' Naye alibasangaleshe, nekulabilo butende kuli bo. ²² Apo pene Josefi aliikele mucalo ca Ijipiti, ye umwine neba munganda yabawishi. Kabili Josefi aliikele pano pesonde imwaka umwandomo nekumi peulu. ²³ Kabili Josefi alibwene abana bakwe efilayimi abacitentekwa icabu fitatu. Nakabili nebana bakwe macili, umwana wakwe Manase, umwanalume, alikulile pamolu yakwe Josefi ²⁴ Apo pene Josefi alilabile kuba kwabo ati, '' Ndukufwa, sombi icine ba Lesa bakesa mukumuboneni, nekumufumyeni mucalo ici. nekumufisheni ku calo ico ici walapile kuli ba Ablaamu, naba Isaci, naba Yakobi.'' ²⁵ Apo pene Josefi alilapile kubana bakwe Isilaeli. Ati,, '' Icine ba Lesa bakesa mukumuboneni, mukapinta amafupa yanji ukwafumya pano.'' ²⁶ Fyefyo Josefi kaafwa, imyaka yakwe yalikumene umwandaumo nekumi peulu. Penka kabamuumya kaba mubika mwibokoshi mucalo ca Ijipiti.