¹ Yusifu kafunda umulamishi wa nganda yakwe , nekulabila , '' isusha amasaka abalalume ne fyakulya , ifibanga kumanisha ukupinta ,ne kubikamo indalama mumasaka onse a eswilwe . ² Ubika kapu yandi , iye siveli , mucipinda ce saka lya mwanice bantu nakabili nasho indalama shakwe ishakushita impeke .'' Nalama alicitile koti kulabila kwakwe yusifu . ³ Kucinamacha lucelacelo , ne balalume balibebele ukufumapo , bo ne mbongolo shabo . ⁴ Ili bafumine mumushi sombi nekulula ukufika apatali , Yusifu alilabile kumulamishi wakwe '' buka bononkele abalalume , nakabili cani ubasange labila kuli bo , '' Nindo mwabwesesha ububi pa fiweme ?. ⁵ Kanshi iyi taili ni kupa ibashikulu na mwenano kabili kapu i babomfya kumipashi ? mwacita icibipile , pali fifi ifi mwacita.'' ⁶ Nakalamba alibasangile nakulabila aya amashiwi kuli bo , kabalabila kuli ye , ⁷ Nindo bashikulu balabila aya amashiwi akubefi ?'' fibe ukutali ukufuma pabasha benu ukweba ati bangacita ifintu ifya kubefyo . ⁸ Bona , indalama ishi twasanga mufipunda fyamasaka esu , twalibweseshe nakabili ukufuma kucalo ca kenani . pano lomba tungeba ukufuma mun'anda yabashikulu wenu isilifa ne golide ? . ⁹ Kani umbi umuntu pabasha benu asangwe na co mulekeni afwe na fwebo takubabasha babashikulu .'' ¹⁰ Nakalama kalabila , '' lomba lekeni cibe fyenkefyo koti mashiwi yenu . uyo onse uwaku sangwa nenkomeki akaba musha wandi , nebo shala bakubula umulandu . ¹¹ Cila umo umo balyende ukutula amasaka abo panshi ne muntu onse aliswele isaka lyakwe . ¹² Nakalama alifwali , Alitampile pa mukulu nekulekelesha umwanike bantu , nenkomeki nekusangwe mwisaka lya kwe Bejamine . ¹³ Lomba balilepwile ifyakufwala fyabo onse umwalalume alyalulwile imbongolo yakwe nekubwelela kushi . ¹⁴ Juda nebakwabo balishile kunanda yakwe yusifu . Acili epo ali , nekwisa kufukama panshi muceni cakwe . ¹⁵ Josefu kalabila kuli bo , '' nganfindo ifii ifi mwacita ? ca tamwishi ati umuntu uli koti ninebo ndacita ifyamupashi ? ¹⁶ Juda kalabila , ''findo tungalabila shani bashikulu ? tulabile indo ? mangula tungaisangulu shani fwebone ? ba lesa balisangile ukulufyana pa basha bobe . Boneni fwebo na oyu uwasangile ne nkomeki muminwe yakwe. '' ¹⁷ Josefu kalabila , ''cibe ukutali ukufuma kuli uyo ukweba ati ngacitefyo . umuntu uyo mukuboko kwakwe kwasangile inkomeki , ,uyo umuntu akabamushsa wandi , sombi kuli mwebo bambi kabiyeni mumutende kuli bawishinue.'' ^{18 19} Eli Juda aishile mupepi nekulabila , '' mwebo shikulu bandi , napapata lekeni umusha wenu alabile ishwi mumatwi enu mwebashikulu , mwileka ubukali bwenu bwake pakati kabasha benu , pakuti mwebo muli koti ni falao . ¹⁹ Mwebashikulu balipwishe abasha babo , nekulabila , mulikwetepo bawishinmwe neli mukwanu ?'' ²⁰ Katulabila kuli bashikulu , Tulikwete batata , abakotele , ne mwana uwamubukoto bwabo umwanice . sombi umukwabo alifwa , naye enka eushele muli banyina , naba wishi balimutemenwe .'' ²¹ Eli mwalabila kubasha benu , '' kamuleteni kuli nebo ukwebati nkamubone .'' ²² panuma yafyefyo , twalilabile kuli bashikulu . '' umulumbwana tekuti ashe bawishi . kani abashe ba wishi bawishi bengafwa .'' ²³ Eli mwalabile kubasha benu , '' kano fye umukwanu umwanice munese nakwe namwebo pamo , tamukabonapo icinso candi na kabili . '' ²⁴ lomba yalishile kuba ili twaile kufika kubasha benu ba tata twalisheli kubebe amashiwi a ba shikulu . ²⁵ Ba wishifwe balilabila , '' Bweleleni , nakabili mukatushitile ifyakulya. '' ²⁶ Lomba katulabila , '' tekuti tuye kani umwukwasu umwanice alina fwebo , eli tukupolomoko , sombi teti tukabonepo icinso cabo kanofye umukwasu umwanice ali nafwebo . ²⁷ Umusha wenu bawishifye kabalabila kuli fwebo , '' mulishi ati abakashi bandi balimfyalile abana babili abalalume . ²⁸ Umo palyabo alifumine pali nebo nekulabila ,'' cacine alilepawilwe mutupinswa , kabili shamubwenepo ukufumapo .'' ²⁹ Pano kani uyu naye mwamupinte ukufuma pali nebo , ne camumucena cise kuli ye , mukandotela imfwi shandi nebulanda ku sheoli .'' ³⁰ Lomba , palifyefyo , ili nkesa kubasha benu batata , na kabinda tatulipo nakwe pakuti umweo wabo ulikakilwe mu mweo wamusankwa , ³¹ cikesa kuba ati , ili bakabomba umusankwa tatulipo nakwe ba kafwa . Abasha benu bakaleta imfwe shamusha wenu ba wishifwe mubulanda ku sheoli . ³² Sombi abasha benu balibele balamishi ba mulumbwana kuli batata inshiku shonse . ³³ '' Pano lomba , napapata lekeni abasha benu bakale mucifulo cakuleta umusankwa nshilipo naye pamo neba kwabo . ³⁴ FIsa ningaya kufika kuli batata cani umusankwa ukubona nshilpo naye ? Ndukutina ukubona icibipile icingesa kuba pali batata.''