¹ Nali fyefyo ba Lesa kaba mwimya ukupitila muli ba Yesu, mufwaye ifya, kumaulu uko ba Klistu bekete ku iwine iwa ba Lesa. ² Langulukeni ifya kumaulu, tekwesha ukulanguluka ifya pa calo. ³ Sombi we walifwile, kabili umweo obe uli fiseme muli Klistu naba Lesa. ⁴ Ilyo ba Klistu bakaboneka uuli mweo obe newe wakuboneka kuli bo mubuleme. ⁵ Bali mubikile kubafwa, eli ifilundwa ifyo ifi pa calo-ubucecemeshi, ukubu ukusweshiwa, mufyakukubwa, ukufwaisha ukupipile, bukabukulu, ne fibubwa bumbwa. ⁶ Cili kwati fintu pakuti bwaba Lesa bulukwisa bukumo kuba abakula ucufwilo. ⁷ Namuli fyefyo namwebe mwalukwenda akale ili mwaikele muli babo. ⁸ Sombi pali fifi kamufula fyonse-ubukli akafindwe, nemiponto, nemucobwe, nematuka, mutunwa twane. ⁹ Tekwesha: Ukubepeshapo umukwanu,pakuti mulifulile ubuntu bwa kale muli mwebo. ¹⁰ Lekeni mufwale ubuntu bwabukumo ubulukuwama nekeleka mube ne mano koti cipanshanya cabatulengele; ¹¹ apo apatapalipo ati uyu mu Ela neli mu Juda, neli kusembululwa ne kubulokusembululw, neli bwinafyalo, neli ba sikuti, neli basha, neli bwana-bwabene: Kano ba Klistu balingile muli ifi fyonse. ¹² Pali fyafyo, ba Lesa, kasalile umo, uuswetele kabili uwabutemwe, ukukwta umutima wa luse nekulicefya nekutekanya nenkumbu. ¹³ Musuminishanya mwebene nekubelana uluse koti nifyefyo ifyo bamufitulucile bashikulu. kani kuli umo ukukwete ukuilishanyako ku mubyabo, mubelen uluse koti ni nshila imo ine iyo ba Shikulu bakubelela inkumbu webo. ¹⁴ Peulu lyafifi, kwateni ubutemwe, ubuli cakukaka cakuwaminina. ¹⁵ lekeni inkumbu shaba Klistu shimitungulule mumitima yenu. Nikuli umowine umutende eko bonse twicilwa aba kumubili umo. Kabili ne kutota. ¹⁶ Lekeni amashiwe yaKlistu yekale muli mwebo ne bubile mu mano onse, balukwimba inshamalumbo ne kulukusasa mushiwa ne kulukucenyacenya ne kwimba inyimbo sha bumupanshi ne kulundika ba Lesa mumitima yabo. ¹⁷ Ifili mulukucita, mu cebo, neli nimumicito citeni fyonse mwishina lya ba Shikulu ba Klistu Yesu. Peleni ba Lesa nokubapela ubuleme ni batata ukupita mulibene. ¹⁸ Mwebakanshi, ba cindikeni abalume benu, koti fyelelwe kuli ba Lesa. ¹⁹ Mwebalume, temweni abakashi benu, koti fiweme kuli ba Shikulu. ²⁰ Mwe bana kamucindika abafyanshi munshila shonse, pakuti mulukusekesha ba Shikulu, bawishifwe, tekwesha ukukalipila abana benu. ²¹ Mwebawishifwe, tekwesha ubukali ku bana ben, pakuti tabakwetepo ukunenuka. ²² Wemusha, nalabila kuli sokulu mukulingana ne nefi kuli fyonse teponikumenso yobe iyatashi ku bantushi, sombi ne mumitima umo uli mukutonda ba Shikulu. Tineni ba Shikulu. ²³ Ifi muli ku cita fyonse, fibombeni ne mweo waba Shikulu tepo nikubantu. ²⁴ Pakuti bwebo mulukupokelela incilambu ukufuma kuli ba Shikulu icabupyani, niba KlistuYesu ababa mu pulusha. ²⁵ Pakuti ububifi akapoka libili ifya kubifya fyakwe pakuti tapalipo umusalululo.