¹ Ishiwi lyakwa Yawe wamilalo kalisa kuline, ukulabila ati,'' ² Yawe wamilalo alabila mfi; Ndi nobukwa pali Sioni ubukwa ubukulu, nakambi ukukabila pali ye nobukali ubukulu! ³ Yawe wamilalo alabila mfi,: Nebo nkabwelelamo ku Sioni nokwikala pakati ka Yerusalemu, pantu Yerusalemu akwitwa musumba wa cishinka nakambi ulupili lwa ku Yawe wa milalo lwalikwitwa lupili lwa mushilo! ⁴ Yawe wa milalo kalabila mfi,'' Abalalume aba kulu na banakashi aba kulu bakuba nakambi mumisebo yamu Yerusalemu, no muntu onse akufwaya inkonto muminwe yakwe pantu ninshi alikotele. ⁵ Imisebo sha mumusumba shakwisulamo ablumbwana nabanansungu ebali kwangalamo. ⁶ Yawe wamilalo alabila mfi: Kani ifintu fimo fyaboneka ifikosele mumenso yaba shalapo pali mba bantu muli nsho nshiku, napo kuti camoneka icikosele mumenso aji? - Nku ekulabila kwa kwa Yawe ukwa pabwelu. ⁷ Yawe wamilalo alabila mfi,'' boneni ndimupepi kukupokolola abantu banji ukufuma mucalo ca cakumutule suba nokufuka mucalo ca kuwila akasuba! ⁸ Pantu ndi noku babwesha , nabo bakwikala mukati ka Yerusalemu, nakambi bakuba bantu banji nande nakuba Lesa wabo mucishinka namubololoke! ⁹ Yawe wamilalo alabila mfi: Mwe nomba mwebakutwalilila ukumfwa kuma shiwi amoene ulo aishile ukufuma mutunwa twaba kasesema ulo umufulwa wananda yanji wabikilwe- nji nanda yanji, Yawe wamilalo: Mukoshe amaboko yenu pakuti itempele likakulwe. ¹⁰ Pantu kunuma ya sho nshiku takwalipo ifilimwa ifyakolonganishiwepo no muntu uuli onse, tapali ica nonkelwemo pa muntu nangula inama, nakambi tapalipo mutende ukufuma kufi pondo fyauli onse ukwisa nangula ukuya. Nimbiko muntu onse ukwimina umwina mupalamano wakwe. ¹¹ Pantu nomba tacabepo nga nshilya nshiku shakunuma, nakuba nabashalapo pali mba bantu- Nku eku labila kwa pabwelu kwa ku Yawe wamilalo. ¹² Pantu inseke sha mutende shakubyalwa; imyangashi iitaba yakutwala ifitwalo nomushili wakumesha ifitwalo; ulwelele lwakupela umume waluko , pantu nakupanga abashalapo pali mba bantu ukupyana fyonse mfi fintu. ¹³ Mwali cakumwenako kufyalo fimbi ifye tiipo, Inanda yakwa Yuda nenanda yakwa Isulaeli. eco nkamupokolola nakambi mwakuba ipaalo. Mwitiina po.;Lekeni amaboko enu yakose! ¹⁴ Pantu Yawe wamilalo alabila mfi: Ngafilya napangile ukucita ubonaushi kuli ulo ifikolwe fyenu fyanengele ukukalipa - Alabila Yawe uwamilalo- Nakambi nsha shinge shinge po. ¹⁵ Eco nakambi nakupanga muli nshi nshiku ukucite 'fiweme nakambi kuli Yerusalemu naku nanda yakwa Yuda! Mwiumfwa mwenso. ¹⁶ Mfi efintu mfyo mufwile ukucita; labileni cishinka, cina muntu nomwinamupalamano wakwe. Pinguleni mucishinka, umulinganya, nomutende mumpongolo shenu. ¹⁷ Mwicitapo amapange ya bubi mukati kamitima pali cina umo, nakambi mwilokutemwa ukulapa imilapo yabufi - Pantu mfi fintu efi napata! Mfi efi Yawe ako labila pabwelu. ¹⁸ Elo ishiwi lya ku Yawe wamushilo kalisa kuli ne, ukulabila, ¹⁹ Yawe wamilalo akolabila mfi: Ukuleka ukulya kwa mwenshi wqa bune, umwenshi wacisaano, umwenshi wa cinelubali, no mwenshi we kumi shakube nshita sha kwanga, ukucankwa nokusefya kwa nsansa pa nanda yakwa Yuda! Eco kanshi temweni icishinka nomutende! ²⁰ Yawe wamilalo alabila mfi: Abantu bakubwela nakambi, nambo abaikala mumisumba iipusene pusene. ²¹ Abekashi ba musumba umo ba bakaya kumusumba unakwe nokulabila 'ti; lekeni tuye muku lomba pacinso caku Yawe nokumufwaya Yawe wamilalo!Nafwe fwebene tukoya. ²² Abantu abenji nefyalo ifyamaka fyakwisa mukufwaya Yawe wamilalo mu Yerusalemu nokulomba ukushuuka kwa ku Yawe! ²³ Yawe wamilalo alabila mfi; Mulishilya nshiku abalalume ikumi ukufuma kumitundu yonse ne calo bakesa nokufyambata icisempe camwingila yenu nokutila, '' Lekeni tuye namwe , pantu tulyumfwile ukweba ';ti Lesa ali na mwe''