¹ Iseni pano, mwebo mweba bile, lileni neku bilikisha pakuti pamensho aka mwishileni. ² Ububile bwenu buli bolele, ne fyakufwala fyenu fili likilwe kufi pempele. ³ Golide na siluvele wenu filyonaikile na ndalabwa shifiko shikaba niba kamboni kuli mwebo. Shi sheta iminefu yenu kuti mulilo. Mwalibila amaboni enu ukwa nshiku sha kupelako. ⁴ Boneni amalipilo aba bomfi alu kulila amalipilo awo mwaikatilila ukufuma kuli babo aba tebwile amabala enu, ne kulila kwa bakutebula kwa umfwika ku matwi aba shikulu ba mabumba. ⁵ Mwakala mukuli pakisha panshi pa calo ne kuliposa mwebene. Mwainisha imitima yenu ukwa pakasuba kakwi paiwa. ⁶ Mwapela imilandu ne kwipaya aba lungeme, Talu kumukanyenipo. ⁷ Pano mube aba tekenye, mweba kwasu, mpaka ukwisa kwaba Shikulu. Bona, umulimi alapembela impindi iweme iya kutebula. Alaba ne mutima nteka muku pembela, mpaka chapokelela imfula ya kutanga neya kupelako. ⁸ Mwebo, pamo beni aba mutima ntenka, lengeni ukukosa, pakuti ukwisa kwaba Shikulu kwa palamina. ⁹ Mwililishanya mwe bakwasu, kuli umo ne mubye, ukweba ati mwika pingulwa. Boneni Boneni ubu pingulo buli makene pa mulyango. ¹⁰ Buleni ica kutuntululako mweba kwasu, ukuma kukupenga ne mutima nteka waba ka sesema, abo aba labile mwi shina lyaba Shikulu. ¹¹ Boneni, tula babika abo aba konseshe ati ba shukile. Mwalyumfwile umunkosha wa Yobo, kabili mulishi ne mulandu wa kubapo ba Shikulu, ifi ali nkumbu ne luse. ¹² Pali fyonse, mweba kwasu, tekulapa, ifya mwiulu nangu ifya panshi pa calo, nangu ukulapa kumbi. Lekeni, "Ukusumina" kwenu nga kube ukwa "kwakusumina" neku "kana" nga kube uku "Kana," ukweba ati ta mu;ponene muku pingulwa. ¹³ Kanshi pakati kenu palipo uli nefya kukatasha? Leekeni atembele. Palipo umu sangalele mulekeni emb inyinmbo isha kulumbanya. ¹⁴ Kani pakati kenu palipo umuswetele? Lekeni ate ifilolo pe Kelesha, nabo ngaba mutembele. Lekeni ba sufye ne mafuta mwishina lyaba Shikulu. ¹⁵ Itembelo ilya lucekelo lila posha umulwele umuntu. Naba Shikulu ba kamutendulusha. Kani acita ifi bipile ba Lea baka mufitulukilacila. ¹⁶ Kanshi fitulucilenshanyeni umo nemu byakw, ukweba ati munga poshiwa. Itembelo lya muntu ulungeme lilikwete amakosa akulu mu kubomba. ¹⁷ Eliya ali muntu kuti nifwebo. Ka tembela ne makosa ukweba ati ilokapo imfula, kabili imfula taya lokele ukwa myaka itatu ne myenshi isanu na ibili. ¹⁸ Ili eliya Atembele libili. am ulu ka aloka imfula. Icalo ka cikata ifisepo. ¹⁹ Mweba kwasu, kani pakati kenu palipo ulu ku waya waya pafya cine, pano umbi umuntu ka mubwesha ku cine, ²⁰ uyu muntu alingile ukwisa ba ati umuntu uwalulula imbifi ukufuma munshiila shaku waya waya akali pulusha umwine ukufuma ku mfwa, kabili aka cimfya impendwaikulu iyafya kubifya.