¹ Pakuti, olo teti tutwalilile ukwikala naco, twalilangulwike ukweba ati ciliweme ukubakunuma fwenka ku Atheni. ² Twali tumine Timiti, umukwasu umwalalume ne mubomfi mubyesu kuli Lesa mukushimika kwa cebo chakwa Klistu, mukukoshiwa ne kutalalikwa ukulingana no bucetekelo bwenu. ³ Twalicilefi pakweba ati takupo neli umo uwakutenkjana kuli aya amapensho kuli fwenka fwebene tulishi ifi ukwebati tuli salilwe. ⁴ Icine, ili twali na mwebo, twalimyebele limo ukweba ati tuli mupepi nekucula ukuculilila, nafyefyo fyalicitilwe, kubati fintu mwishi. ⁵ Napali fifi, ili shalo kwimininapo, naliyumine ukwe ati ningeshiba ubucetekelo bwenu. Pakuti limbi katunka alimu tukile, nekubomba kwesu kungaba ukwa lukoso. ⁶ Sombi Timoti alishile kuli fwe ukufuma kuli mwebo ne kuleta icebo iciweme ica citetekelo ne kutemwa. Alitwebele ati ulatwibukisha bwino, ulafwaya ukutubona ngefi nafwe tulafwaya ukukubona. ⁷ Pakuti pali fifi, mwebakwasu, twali abakusangasha pamulandu wa bucetekelo bwenu, muma katasho ne kucushiwa. ⁸ Pakuti pali luluno tukoikala, kani amwaimakana abakosele muli Shikulu. ⁹ Matotelo yamusango shani twingapelaa ba Lesa pali mwebo, pansangalashi ishitukwete muli ba Lesa pali mwebo? ¹⁰ Ubushiku ne kasuba tulatembela makosa pakweba ati tubone ifinso fyenu no kumipela ifi mubulishe mu bucetekelo bwenu. ¹¹ Balesa wesu Bawishifwe abene, na ba Shikulu ba Yesu, bakatupela ishila ya kwisa kuli mwebo. ¹² Ba Shikulu bamifushe ne kumibika pamo mu kutemwa aba byenu, na bantu bonse, koti fintu tukita kuli mwebo. ¹³ Amikoshe ne mitima, pakwebati tamukwetepo akalema muli bumushilo kuli Balesa Bawishifwe, nekwisa kwaba Shikulu ba Yesu neba tumikishi babo bonse.