¹ Paulo Siluvela na Timoti kwitempuli lyabena Tesalonika muli ba Lesa ba Yesu Klistu. Pengaba ukusenamina ne mutende pali mwebo. ² Tulukupela kutotela kuli ba Lesa pali mwebo mwense, ili twamulumbula mumatembelo yesu. ³ Tulamwibukisheni ukwabula ukuleka kuli ba Lesa bawishifwe mukubomba bucetekelo, ubutemwa neku nkokanyapo ukupepa ne kusubila ba Shikulu ba Yesu Klistu. ⁴ Abakwasu aba temwikile kuli Balesa, tulishi alimisontele, ⁵ pakuti fyebo fyesu fyalishile kuli mwebo ifitalipo mu mashiwi lukoso, sombi mumaka, mu mupashi uuswetele, ne mu lushinikisho uwinji. Mushila imo, mulishi ukweba ati twali abalalume abaibelele pali mwebo kumbela shenu. ⁶ Mwalisangukile ukutenteka kwesu ne kwaba Shikulu, neli mwapokelele ishiwi mumaka nekusangalala mu mupashi. ⁷ Pakuti mwalibele icilangililo kuli bonse aba Makedonya namu akaya abacetekele. ⁸ Pakuti kufuma kuli mwe ishiwi lyaba Shikulu lili bikishe, ne iftalipo mu Mesodonyaneba Achala lukoso-bonse mwebo ubucetekelo muli ba Lesa bwalufishiwa. Palifye fyo twalabilapo ifili fyonse. ⁹ Palibo abene balishibile ubupilibulo bwakwishilamo kuli mwebo. Bali twebele ifi mwapilibukile kuli balesa ukufuma kufi bambwa bumbwa nekuya mukupyungila Lesa uwacine. ¹⁰ Balilabile ukwebati mulukulolela ukwisa kwa Mwana ukufuma kwiulu uyo uwa imishe, ukufuma kunindi uyu ni Yesu uutufumya kubukali bulukwisa.