¹ Ulo Lesa wapalile Noa nabana baume bakwe nokusosa kuli bo'' fya lisheni mufule nokwisusha isonde. ² Inama shonse isha mu calo ifuni fyonse ifya mulwelele napali fyonse ifikulaika panshi napanswi shonse isa mumenshi fyapelwa muminwi yobe. ³ Fyonse ifikulika pa ushili fikaba fyakulya fyobe ngefyo namipele imisalu, nomba nakupela nafyonse. ⁴ Lelo taufwile ukulya inama umuli umulopa pantu mu mulopa emuuli ubumi. ⁵ Kabili pamulopa wenu uwabumi nkafwaya ukulubwililapo kabili nkalandula pa muntu onse uwa sumya umulopa mukwipaya umuntu munankwe. ⁶ Uyo onse uukasumya umulopa wamunankwe, kumutu nakwe umulopa ukasumishiwa pantu cali mucipasho cakwa Lesa elo wabumbile umuntunse. ⁷ Kuli mwe, mufyalishe mufule mukesule isonde lyonse nokula.'' ⁸ Elo Lesa asosele kuli Noa nabana baume bali nankwe asosele. ⁹ "kuli ne mukutike! nkoshinikisha icipangano kuli mwe na kufikolwe fyenu panuma yenu. ¹⁰ Na conse ica bumi icikoba na mwe ne fyuni fyone ne fitekwa inama shampanga shonse nafyonse ufumine nafyo mu bwange nafyonse ifyabumi pesonde. ¹¹ Kuli nkoshininkisha icipangano kuli mwe ifyaba no bumi fyonse tafyakutale afyonaulwa ku menshi takwakatale nkanaula icaalo ku menshi. Lesa asosele,'' ¹² ici cishibilo ca pangano ico nkopanga pakati ne napali mwe na ico conse ica bumi icikaba pali mwe kunkulo ya kutanshi. ¹³ Nkobika umukolamfula mumakumbi icakuba nge cipangano pakati kandi na pesonde. ¹⁴ Cikesa kuba ulo nkaleta ikumbi pakati pe sonde nomukolamfula ukamoneke muma kumbi. ¹⁵ Ulo na kubwesha icipangano candi icaba pakati pali ne napali mwe na comse ico icamweo. kabili namenshi tayakatale ayonaula ico conse icamweo. ¹⁶ Umukolamfula ukaba mumakumbi elo naku umina pakushinikishi icipangano camuyayaya icaba pali Lesa nafyonse ifya mweo ifyaba pano isonde.'' ¹⁷ Elo Lesa asosele kuli Noa ,''Ici cishibilo ca cipangano ico nkoshinikisha pakati pali ne na fyonse ifyamweo pano isonde. ¹⁸ Abana baume bakwa Noa abafumine mu bwange bali ni she Ham, na Japheti ,Ham walini wishi wakwa Canaani. ¹⁹ Aba batatu bali bana baume bakwa Noa namuli aba, isonde lyaliswile. ²⁰ Noa wali mulimi kabili ewatampilepo ukulima ibala lya myangashi. ²¹ Walinwene umwangashi, elo walikolelwe, elo alelele umuneke mwi hema lyakwe. ²² Elo Ham, wishi wakwa canaani amwene umune ke wakwa wishi elo waebele ndume shwakwe shibili panse. ²³ Ulo shemuna Yapheti babulile umwingila nokubikapa fipiye fyabo elo baendele inuma nokuya kufimbako umuneke waba wishi Nefinso fyabo ta fyamwene pa muneke waba wishi. ²⁴ Ulo Noa washibwike ku wangashi wakwe, wasambille ifyo umwana waume wakwe kasule wacitile kuli ye. ²⁵ Elo atile ''watipwa we canaani akabe umusha wabasha bandume yakwe.'' ²⁶ Kabili wasosele,'' Lekeni Yawe Lesa wakwa Shemapalwe elo lekeni caani abe umusha wakwe. ²⁷ Lekeni Lesa alundeko umupaka wakwa Japheti, nokumuleka apange nganda mwi hema lyakwa shem, Na canaani abe umusha wakwe. ²⁸ Panuma ya lyeshi Noa waikele imyaka imyanda itatu na isano. ²⁹ Inshiku shonse ishakwa Noa shali imyanda pabulana isano elo waisakufwa.