¹ Elyo Yosefu alishikitikile elyo ewile pa cinso wishi nao acilile pali ena nakambi ali mufyompele. ² Yosefu alikonkemeshe ababomfibakwe bondapa ukukanga wishi Elo bakondapa bakangile Israeli. ³ Cabapitile inshiku amakumi yene pantu efyalingilwe inshite yakukanga Abena Egypto balimulile inshiku amakumi cine lubali. ⁴ Ilyo inshiku shakulila shapwile Yosefu asosele kuba mu ng'anda yakwa Farao ukutila,'' Nomba nga ndisangile uluse mu menso yenu napapata soseni kuli Farao, ukusosa ai. ⁵ Tata alindengele ukulapa, ukutila,'' lolesha ndi pa kufwa munshike mu cilindi ico naimbile nemwine mu mpanga yaku kenani Eko mukanshike nomba lekeni ndekuya nkashike tata nakambi nakubwela.'' ⁶ Farao alyasukile,'' kabuye kashike wiso nga fintu akulengele ukulapa.'' ⁷ Yosefu alile nokuya shika wishi Bonse ababomfi bakwa Farao balile pamo nakwe-abakulu bamu ng'anda bamu ng'anda yakwe naba cilolo bonse mu mpanga ya Egypto. ⁸ Na bonse aba mu ng'anda yakwa Yosefu ne ndume shakwe, naba mu ng'anda yakwa wishi lelo abana babo ifitekwa fyabo ne mikuni yabo bali fishile mu mpanga ya Gosheni. ⁹ Bakabalwe naba punda naba balile nakwe lyali libumba ilikulu ilya bantu. ¹⁰ Ilyo bafikile ku cipailo cakwa Atad u bushilya bumbi ubwa Yordan, balilile ukulosha ukukulu ukwa kalanda Eko Yosefu apangile inshiku cine lubali ishakulosha wishi. ¹¹ Ilyo abekashi aba mu mpanga abena kenani baloleshe ualile pacipailo cakwa Ated, basosele ai,'' cabipisha inci cintu ici citikile kube Egypro Emulandu ngu wine ishina iya cifulo lyainikilwe Abel Mizraim, ili kwi shilya lya Yordan. ¹² Efyo abana bakwe abaume bacitile pali Yakobo nga fintu abebele. ¹³ Abana bakwe abaume balimupitile ku mpanga ya kenani no kumushika lucena mu cando makapesha, mupepi Namer Abrahamu alishitile ulucena ne conde cakusshikao Alicishitile ukufuma kuli Ephro umwina Hitti. ¹⁴ Panuma yakushika wishi Yosefu ali bwekele ku Egypto ena nabandu shkwe, na bonse abamushishe ukushika wishi. ¹⁵ Ilyo ba ndume bakwa Yosefu bamwene ukuti wishibo alifwile basosele ai,'' Nomba nga cakweba ai Yosefu nga akonkanyapo ukuba bukali paali fwebo nakambi akofwaya ukulandwila pa bubi bonse ubo twamucitile?'' ¹⁶ Elyo bafwile ukumona Yosefu ukutila, wiso atwebele ilyo talafwa, ukutila. ¹⁷ Nukebe Yosefu ici,'' Napapata belele ukulufyanya kwa ndume shobe no lubembu lwabo ilyo bacitile icibi kuli webo.'' Nomba mweleko ababomfi ba kwa Lesa wakwa wiso Yosefu alililile ilyo bacosele kuli ena. ¹⁸ Indumw shakwe na sho shaile nokulala nokulosha ifinso panshi kuli ena Basosele ai,'' mona, tuli babomfi bobe.'' ¹⁹ Lelo Yosefu ali basukile bena,'' Mwitina Nebo kuti naba mwi punda lyakwa Lesa? ²⁰ Lelo kuli mwebo mwacimona ukuba icabipa kuli nebo, lelo kuli lesa camoneka icabune kukupususha imyo ya bantu abengi nga fintu wamona lelo. ²¹ Eco nomba mwitina Nkoyo kumifwaila no twana twenu .'' Ali batalikile muli inji nshila nokulanda nabana icisuma ku mitima yabo. ²² Yosefu alikele mu Egypto pamo nabalupwa bakwa wishi Aikele imyaka umwanda umo nekumilimo. ²³ Yosefu amwena abana bakwa Efulemu ukufika ku nkulo iyalenga shitatu nakabili alimwene abana bakwa Makiri umwana mwaume wakwa Manasseh, uo babikile makonko yakwa Yosefu . ²⁴ Yosefu asosele ku ndume shakwe,'' Nebo ndi pakufwa; lelo icinefe Lesa akwisa kuli mwebo no kumitungulula ukufika kuli nji mpanga ku mpa iyo alapile ukupea kuli Abrahamu na kuli nakuli Yakobo. ²⁵ Elo Yosefu alengele abana baume bakwa Israeli ukulapa umulapo Asosele ai,'' Lesa icinefe akwisa kuli mwebo Napali njo nshita mufwile ukupita amafupa yandi ukuyafunya mpano.'' ²⁶ Efyo Yosefu afwile , nemya 110, Bali mukangile nokumubika mu mbokoshi Egypto.