¹ Papitilefe nshita inono elo baishile kweba Yosefu ayi, ''Mona, wiso mulwele.'' Elo Yusufu abula abana bakwe babili abaume, manase elo na Efulemu, elo ayanabo. ² Elo Yakobo bamweba ayi, ''mona, umunobe aisa mukukumona.''Iseali, aikoseesha aikala napabutanda. ³ Elo Yakobo atampa ukumupala ayi, ''Lesa umwine wamaka yonsefe uwambonekele papa Ludi mu mpanga ya Kenani, Uwampalile ⁴ nakambi aishile kunjeba ayi ''Mona nka kulenga nokusanduluka, no kufula. Naku kucita ibumba lyamitundu yonsefe. Nakambi nkakupela icalo icakuba cabana bobe aba kukukonkapo. icakubelelela.' ⁵ Nomba abana bobe babili abaume , abo wafyalile muno mwine mu Egypto, bana bandina nebo. Abo wafyele ilyo ntalaisa mununo mwine mu Egypto. Efulemu, elo na manase bakulaba abana bandi kwai nimfilya fyaba abana bandi Rubeni elo na Simoni. ⁶ Yangufe abana abakufyalwa panuma yenu bakuba bobe; elo abakukonkapo nakubapela ifishilano mu mashina yaku ba wabo, Efulemu na Manase. ⁷ Elo nebo nalikufuma ku calo ca Padani,nali ndikwete ubulanda bwakwa Rakeli. Nipali ubu bwine bulendo elo Rakeli afwile, mumpanga ninshiya Kenani, ulo Kucili intamfu yakuya ku Efulata. Namushikile mu nshila yakuya ku Eflulata (iyatwa Betelemu). ⁸ Elo Isreali aishile kumona abana bakwa ⁹ Yosefu aeba Wishi ayi, ''balete kuno pakweba ayi mbapale.'' ¹⁰ Yangufe Isreali walikufifitilafe ku mulandu no bukote bwakwe, walikumonakofe panono. Kanshi Yosefu waleta abana bakwe abasengesha kuli wishi, wishi na abafyompa pakubaposha, nakambi abafukatila. ¹¹ Elo Isreali aeba yosefu, ''Nshalikucetekela ukumona impumi yobe nakambi, lelo Lesa asuminisha nebo ukumona abana bobe.'' ¹² Elo Yosefu afumya abana muceni vcakwa Isreali, akontaminina panshi. ¹³ Yosefu walibulile abana bakwe, Efulemu amukondwe ku kuboko kwakulyo ukwakwe pakuti alungamikile no kuboko kwa kucipiko ukwakwa Isreali.'' ¹⁴ Elo Isreali afungulwile ukuboko kwakwe ukwa mulyo akufungulwila pa mutwe wakwa Eflemu, uwali umwaice bantu, elo nokuboko kwa kwakwe ukwacipiko akubika pa mutwe wakwa Manase, Akambatanya namaboko yakwe , Manase ewai ibeli. ¹⁵ Isreali walipalile Yosefu, amweba ayi, ''Lesa uo ifikolwe fyandi Abramu elo na Isaki fyali kutumika, Lesa uwalikusunga nebo muli shino nshiku, ¹⁶ malaika uwalukumpususha kufilwani, alekuba mu balumendo.Elo ne shina lyandi likenikwe muli mba bene balumendo elo neshina lya bata ba Isaki elo na Abrahamu. ¹⁷ Elo Yosefu amwene ayi wishi abika ukuboko kwakumulyo pa mjutwe wakwa Eflemu, taumfwile bwino , elo Yosefu akete icisansa cakwe afumyapo pa mutwe wakwa Manase. ¹⁸ Yosufu Aeba wishi ayi, ''Iwe Tata uyu ebeli. bika ukuboko kwaku mulyo pa mutwe wakwe.'' ¹⁹ Wishi walikene elo amweba ayi, ''nalishiba umwana wandi, Manase nao wine akoba umutundu nakambi uukulu. Yangu umwaice Efulemu akacindamapono kucila umukulu bantu. Nakambi aba mulupwa lwakwe bakwisa kuba imikowa iyingi.'' ²⁰ Kanshi epakubapala muli mbo bwine bushinu ayi, ''Abena Isreali bakuyokubomfya inshina lyobe ayi, ''Lesa alekulenga ube kwai ni Efulemu'.'' ²¹ Isreali ebaYosefua ayi, ''Mona, nebo ndimupepi nokufwa, nakambi Lesa akoyokuba nenu, nakambi kumubwekeshafe ku calo ca fikolwe fyenu. ²² Kuli webo, wemukulu bantu pali bonsefe, webo nakukulundilapo icalo cilya icampili ico napokelel kulupanga lwandi no buta bwanfdi ku bena Amoli.''