¹ Yawe alilolekeshepo pali Sara nokucita imfyo asosele ukuti akacita kabili Yawe alicitile nokucita imfyo alaile. ² Sarai ali imitile no kufyala umwana umwaume kuli Abrahamu mubukote bwa kwe, pa inshita iyalinga lyo Lesa asosele kuli yee. ³ Abrahamu alimunike ishina umwana wakwe umwaume uyo uwafyalukwe kuli ena uyo sara afyele kuli ena Isaki. ⁴ Abrahamu amusembulwile umwana wakwe Isaki lulya ali ne inshiku cine konse konse ge mfyo Lesa amakonkomeshe. ⁵ Abrahamu alikwele imyaka 100 elyo umwana wakwe umwaume afyelwe kuli ena. ⁶ Sara asosele ai,'' Lesa ansekesha,'' onse uukoumfwako akoseka na nee.'' ⁷ Nakabili asosele ai,'' Nani uwa citontonkenye po ukuti Abraham na Sara bakalela abana lelo nimfyalila umwana umwaume Abrahamu mubukote bwakwe.!'' ⁸ Umwana alikulile kabili balimu sumwine nao Abrahamu alipangile ukusefya kukalamba pabushiku wa kusumuka kwa Isaki. ⁹ Sara alimwene umwana uwa kwa Hagari umwina Egypto uyo afyele kuli Abrahamu ale mukankamba Isaki. ¹⁰ Nisosele kuli Abrahamu ,'' kumufumwa muno uyu mwanakashi uwasha no mwana wakwe umwaume pantu umwana wakwa uyu umwana kashi takabepo imyani pamo no mwana wandi Isaki.'' ¹¹ Ici cintu calimushipile kumano Abrahamu pamulandu wa mwana wakwe. ¹² Lelo Lesa asosele kuli Abrahamu,'' wisu pika mumano yobe pamulandu wa mwana obe umwaume umunono no mobomfi obe umwanakashi umfwa amashiwi ya kwa Sara mufyonse ifyo akososa pali ili lyashi pantu nemuli Isaki umo abana bobe bakaiinikilwa. ¹³ Nao umwana umwaume wa mubomfi obe nakamupenga ukuba Icalo pamu landu wakuti nao mwana obe. ¹⁴ Abrahamu ali yalamwile ulucelo celo alipitile umukate no ibotolo iya menshi nopela hagari alimubikile pa cipeya cakwe. Alimupele umwana nokumweba ukuya ukutali. Aliyile nokuya mukululumba matalolo ya ku Beersheba. ¹⁵ Cilya ameshi ayo apitile alipwile alimushile umwana yeka pampanga. ¹⁶ Elyo aile ikala akatalamukila uku fuma pa mwana apengalinga akatamfu akanono ukufuma pa mwana, pantu atile,'' Nimonako ukwako fwila umwana.'' Cilya aikele mpalya ukufumapa mwana, alisanswile ishiwi nokulukusha iminsoshi. ¹⁷ Lesa aliumfwile ishiwi lya mulumendo kabili malaika wakwa Lesa alikutile Hagari ukufuma ku mulu atile kuli ena ,''Cindo cikokushupa, Hagari? Witina, pantu Lesa alimfwile ukulila kwa mulumendo uko ali. ¹⁸ Ima kabuye wimye umulumendo, nokumu koselesha, pantu nkamupanga ukubo icalo icikalamba.'' ¹⁹ Elo Lesa alimiswile amenso alimwene icishima ca meshi. Aliile mukwisusha ibotolo lyaku na menshi no kupela umulume ndo icakunwa. ²⁰ Lesa ali nomulumendo kabili alikulile Aikele mamatololo kabili ali umulwishi. ²¹ Aliikele mumatololo yaku Parana, kabili nyina alimusalile umukashi ukufuma ku calo caku Egypto. ²² Calicitike ukutila pali ilya inshita Abimeleki na Phicoli ba capitao ba bashilika bakwe basosele kuli ena basosele ai'' Lesa aba naiwe muufyonse ifyo ucita. ²³ Pali ici lapa kuli ne mpano kuli Lesa ukuti tawakancenjelele nabana bandi pamo noluko lwandi unange pamo ne calo ico wikalamo icipangano ica bucishika ico nakulangile.'' ²⁴ Abrahamu alisosele ai,'' Nkolapa." ²⁵ Abrahamu nao alilishenye kuli Abimeleki pa cishima ca menshi ico ababomfi bakwa Abimeleki ba pokolwele ukufuma kuli ena. ²⁶ Abimeleki alisosele,'' Nteshibile uucitile ici icintu. Tawanjebelele limo kano fe lelo! Nshaciumfwapo kano fe lelo.'' ²⁷ Abrahamu alibulile ing'ombe ne mpanga nokupela Abimeleki kabili na aba babili bali pangile icipangano. ²⁸ Elyo Abrahamu apatwile impanga ishanakashi cine lubali ishapa. ²⁹ Abimeleki asosele kuli Abrahamu Bushe ishi impanga upatwile ishanu kanshi cine lubali calolamwii?'' ³⁰ Nao alyasukile ai,'' Ishi impanga ishanaka pela ishi cine lubali uli nokushi pokela ukufuma ku minwe yandi pakuti cingaba kambone kuli nebo ukutila nine waimbile ici icishima.'' ³¹ Aliitile ilye icende ukuti Beer shebo pantu bonse babili bali lapile icilapo. ³² Balipangile icipangano pa Beersheba elo Abimeleki na Phicoli, bakapitao ba bashilika bakwe babwekelemo kuncende yaba Philisit. ³³ Abrahamu alibyele icimuti ca Tamarini pa Beersheba. mpa aitile ishina ilya kwa Yawe Lesa wamuyayaya. ³⁴ Abrahamu aliikalilele ngo umulebeshi muncende ya ba philisiti inshiku ishingi.