¹ Ninemo Zefuaniya mwana kushi, Umwishikulu wamwalalume wakwa Kedaliah, umwishikulu wakwa Amaliah, kabili umukulu-uwukulu mwishikulu wakwa Hezekiya. Ili Josiah mwana Amoni ali nifumu mu Yuda, pa Yawe balipele aya mashiwi. ² Nemo, Yawe, pano nalaya ukonaula fyonse pano pa kyalo. ³ Abantu ne nama, ifymi ne sabi, na onse uli nekibipile ukatobwa panshi, kabili kapuma onse umutundu wamuntu. ⁴ Kafika konse ukumanika Yuda na Yelusalemi takukashalapo ba Lesa bakalubi, takukashalapo ukwanika abapapatilishi ba baseshi. ⁵ Takukashalapo nangu nipisha kuli babo abapupa utubanga banga ukufuma peulu ya mutenge, nangu ukufukama panshi kuli balesa ba Illilcom, ili balukufwaya ukunakila kuli nemo, Yawe. ⁶ Takukashapo kuli onse u-wafuma kuli nemo ne kukana nemo. ⁷ Ikaleni ikishishi! Ninemo Yawe Lesa, impindi kapalamina, ndukulibabila imitabu ya bantu bangi nakwita abeni bangi. ⁸ Pali kalya kasuba kamanika bafilolo bafyalo ne bana bafumu, pamo na bonse abakokela imikito yabena fyalo. ⁹ Kamanika abapupa baLesa babasenshi kabili nekekanama kwabakulu bafipango abemya amakosa abo. ¹⁰ Nemo, Yawe, Nalaya palibulya bushiku ikyengo kya kulila kukofwanika ukufuma pa mulyango wesabi, umushi wabukumo, napeulu ya fyulu. ¹¹ Monse mushi ya Hellow bakakalila apakulu, pamulandu wabasulu neba kukikya indalama bakapumwa bonse. ¹² Kafwaya Yelusalemi nelapi kabili nokumanika balya bantu abekala nokubula ukulanguluka, BaLesa tabakakile, ikiweme nangu ikibipile,'' ¹³ Ifintu fyabo fyonse bakapita, imishi yabo ikashala kayonaikile. Tabakabwele nokwikala mumañanda ba sopele, nangu ukunwa umwangashi ukufuma kufisepo mumalimi yabo ayafisepo ¹⁴ Ubushiku ubukulu ubwaba Yawe bulikwisa bukumo, bukumo, ubushiku bwa kukuimya ukubilisha kwafita kukofwanika monse. ¹⁵ Ikaba mpindi yamakatasho ne kukatasha, ukonaika, ne kukundula, nefishi, nekulingana, ikumbi ne kifutele. ¹⁶ Ukwepenga ne kukila kwakondo ku mishi ikulu ne bafinemanga. ¹⁷ Ba Yawe balukukengesha aba abifya kulibo. Kamipuma ukuba ipafu. Ali umulopa nefyamukachi fikafuma koti malushi. ¹⁸ Takulipo nangu ni Silifwa nangu ni Ngolinde ukamipulusha pali kalya kasuba ili nemo, Yawe, kafitwa. Ubukali bwangi bukabuka koti mulilo wabukali ukokya ikyalo na onse ulipo.''