¹ I kimonwa kya kwa Obediya. Bashikulu Yawe balabila ukulingana na Edomi; Twaufwa amashiwi ukufuma kuli ba Yawe kabili nowakwimakanina atumwa mufyalo, Nokulabila,'' Imeni! Lekeni twime pali ye Kubulwi!'' ² Boneni kamilenga banini naffyalo: kabili mu kasulwa apakulu!'' ³ Ukulintota kwa mutima wenu kwamimbepa mwebo. mwebo mwemwikala mukelo sha mabwe, mu mañanda ayaweme; mwemulabila mumutima wenu, ''Nani ukabwesha panshi nemo? ⁴ Nangu mwine peulu koti nipanga nangu ikisa kyenu muli bikile mutubangabanga, kamibwesha panshi ukufuma kulya ekulabila kwaba Yawe. ⁵ Kani ingifi shalishile kuli mwebo, kani ifipondo kafisa ubushiku koti mwaonaulwa shani! Tekuchi bebe ukulinga bokufwaya kwabo? Kani abakubungisha ifisepo kabesa kuli mwebo. ⁶ Tekuti ba she imikefu? Ifyo Esao bakapukula ifintu ififi semena makosa! ⁷ Abantu bonse abanalukufwana nabo bakamitafisa kumipaka. Abantu abali nomutende namwebo bakamimbepa nokumyalukilamo mwebo. Balya abalukulya umukante wenu ebakamiteya akando mwebo. Takulipo ukufuma mulu ye. ⁸ Nindo kakita bulya bushiku '' Ekulabila kwaba Yawe'' konaula abamano ukufuma mu Edomi kabili akaputulwako ukufuma mumukolo wakwa Esao? ⁹ Amapaka abantu bakonaika, Temen, ukwebati umuntu onse akaputulwako ukufuma kulipili lwa kwa Esao pa kwipaiwa. ¹⁰ Pamulandu wabupondoshi bwakitwa kuumulongo obe Yakobi, ukafibwa nesoni, kabili ukaputulwako umuyayaya. ¹¹ Pali bulya bushiku walimakene , pali bulya bushiku abeni balishile nokupita ifyama kabili abeni balingile mumilyango. kabili ne kuteya ububale mu Yelusalemi mwali koti nibo. ¹² Lomba tawamukebele umulongo obe pabushiku amwene ifyamalwa, kabili tawasekele pabantu abana Yuda pabushiku bwabo naushi; Welintota pabushiku bwa makatasho. ¹³ Kabili tekwesha ukwingila pamilyango ya bantu bangi pabushiku bwa malwa abo; kabili wekabakeba pabushiku bwa bonausho. ¹⁴ Tekwesha ukupukula ifya bunoshi bwabo pabushiku bonaushi. Tekwesha ukwimakana pa mashilapindo ne kukesa ishila ukwebati bakabule ukupuluka, kabili tekwesha ukubapana abapuluka kubalwani pabushiku bwa kupelelwa kwabo. ¹⁵ Pakuchi ubushiku bwa ba Yawe bwapalamina kubena fyalo bonse. fyenka mwakita, fikakitika kuli mwebo; ifikitwa fyenu fikabwela pamittwi yenu. ¹⁶ Fyenka munwa palupili lwangi ulushilile, pano nefyalo fyonse fikali kunwa lyonse. Bakakanwa nokumina kabili kikaba koti tabaikelepo. ¹⁷ Lomba pa lupililwa Shioni kukababeka aba butuka, kabili lukaba ululwa Mushilo, kabili Iñanda yakwa Yakobi ikabul ifintu ifyo bali na fyo. ¹⁸ Iñanda yakwa Yakobi ikaba mumulilo, Neñanda yakwa Yosefwa mulubebe, kabili neñanda yakwa Esao koti fiswaswa, kabili bakokewa, bonse peulu. Takukekalapo abakupuluka kuñanda yakwa Esau, pakuchi ni ba Yawe nakilabila.'' ¹⁹ Abantu ukufuma ku Negevi bakapoka ulupili lwa kwa Esao kabili na bantu abakumatelo bakapoka ipanga yaba Filishitiya. Bakapoka ipanga yabena Efulemu nepanga ya Samaliya, kabili na Benjamina bakappoka ipanga ya Kilead. ²⁰ Abantu abena Isuleli abatwelwe mubusha kufita bakikala mupanga ya Kenani nekufika ku Zalefwati. Ibuntwa shabena Yelusalemi, Abo abali mu Sefwaladi, bakapoka imishi ya Negevi. ²¹ Balya bakapokololwa bakaya kulupili lwa Shioni nekwikala kufyalo fya kufyulu fyakwa Esao, kabili nobufumu bukekala bwa ba Yawe.