¹ Ili lishiwi lyaba Yawe ilyaishile kuli Mika umu Molesheti munshiku shakwe Jotamu, Ahaz, kabili Hezekiya, imfumu ya Yuda, ilyo amwene Samaliya na Yelusalemi. ² Umfweni, mwe bantu bonse. Umfwa, we kyalo kya panshi kabili nafyonse ifilimo. Lekeni ba Shikulu ba Yawe babe bakambone benu aba kumimakaninako mwebo, ba Shikulu ukufuma kwitempele lyabo ilya mushilo. ³ Moneni, ba Yawe balefuma mumpunsha yabo; bakesa panshi kabili nekunyantapo pa mapunsha asuntukile a - apa kyalo kyapanshi. ⁴ Amapili akasunguluka munshi yabo; imikolo ikatobeka pakachi, kwachi kipopo kumulilo, kwachi amenda baitulwila pampunsha apakunkuluka. ⁵ Fyonse nipa mulandu wamishilulwila yakwe Yakobi, kabili pa mulandu wa bubi bwa ñanda yakwe Ishileli. Ninsa mishilulwila yakwe Yakobi? Kanshi tali ni Samaliya? Ninsa mpushe isuntukile yakwe Yuda? kanshi tali ni Yelusalemi? ⁶ ''Nkalenga Samaliya ukuba mupili wafyaonaika mu bulimi, impusha iya kubyalapo imfaina, kabili nkamwitulwila amabwe pansha mu mikolo kabili nkafimbula ifitachiko fyakwe. ⁷ Fyonse ifya kubasa fyakwe fika mokaulwa mufipimfwa, kabili nebupe bwakwe bonse apokelele bakabokya ne mulilo. kabili nkalenga ifilubi fyakwe fyonse kupalangana. pantu ali bungenye imilambo yakwe ukufuma kumwanakashi umuchenchemeshi, fikaba milambo yamuchenchemeshi libili.'' ⁸ Pakuchi pali fyenkefyo nkalila ne kukuwa nkaya ukwakubula ifya kumolu kabili ubwamba; nkakuwa kwachi nibamumbwe kabili nekulila kwachi nimpye. ⁹ Pakuchi ifilonda fyakwe tekuchi fibukwe, pakuchi faisa ku Yuda. fyafika nakumilyango ya bantu bangi, ku Yelusalemi. ¹⁰ `Mwenka kilabilapo mu Gati; mwekalila nangu panini yowo pa Beti Leafula nali alang'anya mulukungu. ¹¹ Piteni lukukoso, ifikalwe fyakwe shata, mu bwamba kabili munsoni ifikalwe fyakwe Zaanani mwefuma. Beti Ezeo alila, pakuchi ikya kubafimbila bakipintapo. ¹² Pakuchi ifikalwe fya ku Maloti balukupembele ukufwaisha amashiwi aweme, pantu ifyamalwa fyaisa muushi ukufuma kuli ba Yawe ukufika ku milyango ya Yelusalemi. ¹³ Kakeni bakafwalo kwibumba lya bangolofwana, ifikalwefyaku Likishi. Webo, Likishi, ekwa tachikile fyakubifya kwa mwana umwanakashi waku Zayoni, pakuchi ukishilulula kwa Ishileli kwali sangilwe muli webo. ¹⁴ Fyenkefyo mukapela ikipande kyabupe kuli Molesheti Gati; amañanda aku Akizibi akatumpika imfumu shaku Ishileli. ¹⁵ Nkaleta libili uwakutangilila kuli mwebo, ingikale shaku Maleshati; ukuwama kwa Ishileli kukesa naku Adulamu. ¹⁶ Beyeni umutwi wenu kabili ne kuputulako imishi yenu pakuchi bana umo emo mufwila bwino. Lilengeni mwebene aba mapla kwachi fyuni, pakuchi abana benu bakaya mu bukaili ukufuma kuli mwebo.