¹ Penka , pakuci imilaye iyakwingila mukutusha kwakwe yasuminishiwa ukwimakana , lekeni tukyengele kwebati takulipo muli mwebo uwinga moneka ukupona panini . ² Pakuci twalyebelwe amashiwi ayaweme fyenke fyali . Lomba imilayi tayasekeshe kuli babo abatabaikatene mulwitabilo nababo abanakile . ³ Pakuti twasumina ukwingila mukutusha , fyenkefya labile , '' Fyenkefi nalapila mubukali , tabakengile mukutusha kwangi .'' Nangunifyo , imilimo yakwe yalipwelo ukufuma kutendekelo yakyalo . ⁴ Palipamo balabile babushiku bwa busanu na bubili : '' Na ba Lesa balitushishe pabushiku bwabusanu na bubili kumulimo yabo yonse .'' ⁵ Na luluno alilabile, '' tabakengile mukutusha kwangi.'' ⁶ Penka , yabashalila bamo ukwingila mukutusha , kwachinababo abapokeleleamashiwi aweme no kulisha kulibabo abatabaingile pamulandu wakibipile . ⁷ Ba Lesa kabili batongola ubushiku bumbi , ukwita ati , ''Lelo, '' ilibalabile ukupichila muli Ndafeti kabili mufyebo alabile : ''Lelo ngamwaufwa ishiwi lyakwe , mwikosesha imitima yenu . '' ⁸ Pakuti Yoshiwa alibapele ukutusha , ba Lesa ngatabalabile babushiku bumbi yobo . ⁹ Penka lyashala isabata lya kutusha lyasungwa kubana abakwa Lesa . ¹⁰ Kuli babo abengila mukutusha kwa ba Lesa fyenka nayomwine atushishe kumilimo yakwe , fyenka ba Lesa bakichile . ¹¹ l Penka lekeni nafwebo tube abakwingila mukutusha , pakuchi nangu umo engaponena mukukite ikibipile ikibakichile . ¹² Pakuti ishiwi lyaba Lesa lyabumi lila pyunga kabili ilitwile ukuchila konse kubili kwalumpanga . Ilileingila mukwabanya umweo no mupashi , na mufyako namumikolofupa , kabili lilalabila mukwishaba no kusombolola imilangwe yamuchima . ¹³ Nakulipo nangu kimo ikilengelwe ikifiseme kuli ba Lesa . Palififi , fyonse fili apatubile na palwelele kumenso kuli uyo upana ukubala . ¹⁴ Pano , ifitukwete umupapatilishi umukulu uwapichile mwiulu , Yesu umwana wakwa Lesa , lekeni tukwachilile ku busumini . ¹⁵ Pakuti tatukwetepo mupapatilishi uyo tangatumfwilapo ulusa pakunashiwa kwesu. Penka , tuli nauyo uwaeshiwe mumashila onse fyenkefyo tuli , kufyako lukoso takwetepo kibipile . ¹⁶ Lekeni tuye namakosa kukipuna kya luse kwebati twinga pokelela uluse no kusango luse lwakutukwasha pampindi .