¹ Imbila eyo Habakuka uwa kwaula amwene ne kulabila, ² ''Ba Yawe, nilinga nkalila ukufwaya ubwafilisho, kabili tamwakonfwe? Ndalila peulu kuli mwebo, 'Ubonaushi lomba tamupulusha. ³ Nikindo mundengela nemo ukumona ifibi ne kundengela nemo ukulolesha kufya kukita ifibi? Ukonaua ne monaushi fili kumenso angi kuli ulutobo ne nemalwangano filekula. ⁴ fyenkefyo imishilo shaleka ukulomba, na kupuula umulandu ubwakishinka tabalebukonka pali ino inshita ku bubi bwashinguluka abalungeme; fyenkefyo ukupingushi ubwakishinka bwaleka.'' Ba Yawe balyasukile kuli Habakuka. ⁵ Kebesha pakyao kabili nkobabona, kakilwa nokukumya! pakuti ndipabwipi ukukita ifintu fimo, mushiku isho taukasumina ilikika labilwa kuli webo. ⁶ Kembe ndipabwipi nokwimya abena Kolondeya aba kutinya kabili namakosa ikyalo abalukenda umulongo monse mubwipi bwa kyalo ukwikata imishi iyo tayali yabo. ⁷ Bali abakufina kabili nenkumbu; ubupingushi kabili nokonaula kulafuma muli bo. ⁸ Imbongolo shabo shilipabile ukukila kisumpa, ukupuba ukukila imisuka yakingulo. Ali mbongolo shabo shilalima, kabili na bakumisapo balafuma ukutali balema kuti nipungu ili ku buntukila ukulya. ⁹ Bonse ba lesa kubulwi: Amabumba yalaya koti fiselebwa fyakambesha, kabili balabungisha koti musenga. ¹⁰ Abakutupika imfumu, nabekalisha balikalile ukutupika kuli bo. Balaseka konse abakwikatilila, pantu balabungika ikyalo kabili nokukikata. ¹¹ Penka kambesha akbutaakilako: kikapitila pa bantu abakushatwa, Abo ukosa kwabo nuli: mali ba lesa babo.'' Abakuka kaipusha ba Yawe limbi ilipusho. ¹² ''Kanshi webo taufumine mumpindi yakale, Yawe Lesa wangi, mwe ba shilile? tatwafwe ba Yawe bababikapo amaboko ukubapingula, kabili mwebo, mwelimbwe, mwabekalika ukubolola. ¹³ Amenso yenu yantumbile ukukeba pakubifya kabili tamukukeba ukumona pabakubifya ne kumbi; mbanindo pano mwakebesha ukulingana pali babo aba kubwa? mbanindo mwikalile ikishishi ili abakubifya baonaula abololokele ukukilabo? ¹⁴ Mulapanga abantu koti masabi mufishiba, koti fintu ifyenda panshi ukwakubula wakufilama. ¹⁵ Alabalenta bonse pamo nakando; alabekatisha abalalume ukufuma mubukondo bwakwe; alababungisha pamo mubukonde bwakubunganya; ali asekela kabili nokusangalala. ¹⁶ Penka alapana ifitapisho kubukonde bwakwe kabili nokokya ifya kufuntumuna kubakonde bwakwikata, napabakonde alekala mukusekela, kabili nefyakulya fyamutengo. Takuti ¹⁷ ekalike ubukonde ikyasamina, kabili alatwalila ukwipaya ukwakubula ikumbu?''