¹ Kyali umweshi wafisanu naibili ukufuma apo ifikolwe fya Ishileli fyabwelele ku mishi yabo, ilyo abantu balongene pamo ngo muntu umo mu Yelusalemi. ² Yoshiwa umwana wakwa Jozadaki na bakulu bakwe aba papatilishi, na Zerubabele umwana wakwa Sheletile, na bakulu bakwe kabema neku nsompa ikipailo kya ba Lesa bakwa Ishileli ikya kupelelako imilambo ya kokya ngefyo kyalembelwe mumishilo yakwa Mose umuntu waba Lesa. ³ Lomba kabemika ikipailo pakya kwimikapo kyakyo, pantu ikibi kyali palibo pamulandu wabantu ba muli kilya kyalo. Kabapela ifya milambu fya kokya kuli ba Yawe kumakya ne kyungulo bushiku. ⁴ Kabili abakumona ifyakusangalala ifys mujango ngefyo kyalembelwe ne kupelwa ilambo lyakokya pabushiku ne bushiku ukulingana ne kulapa, kila bushiku bwakinto pabushiku. ⁵ Ukulingana, kilabushiku kwaliluba imilambo lyakokya, ne milambo ya myeshi iyabukumo kabili ne milambo yonse imikilwe iyakusangalala iya ba Yawe iyo ya pangilwe, ne milambo yakupela mukutemwa ukufuma kuli bonse abafipele kuli ba Yawe. ⁶ Kabatatika ukupela imilambo ya kokya kuli ba Yawe pa bushiku bakutendeka bwa mweshi waisanu naibili, nangula itempele talinga moneka. ⁷ Lomba kabapela siliva kuba kubombela kumabwe, nakubafyakupanga, kabapela nefya kulya, ifya kunwa, na mafuta kubantu baku Sidoni neba taya, pakuti bengaleta ifiti ifya Cedar pe shiba ukufuma ku Lebanoni ukuya Joppa, ngefyo babasuminishe kuli Sailasi, imfumu ya ku Persio. ⁸ Lomba mumweshi wakibili mumwaka wakibili pakufuma ku nanda yaba Lesa mu Yelusalemi, Zerubabela umwana wakwa Shetila, Jeshua umwana wakwa Jozadake, neba kulubakwe bonse neba papatilishi nabena Levi, nababo abafumine mubusha ukuya ku Yelusalemi kabatatika ukubomba. Kabeba abena Levi abali nemyaka amakumi yabili napeulu ukumona pankito ya nanda iyaba Yawe. ⁹ Jeshua ne mwana wakwe, abali fikolwe fyakwa Hodaviah, nebana bakwa Henadade nebana babo neba kulubabo - bonse bali bena Levi - abaletelwe pamo mukumona balya abakobombela panada yaba Lesa. ¹⁰ Abali kunsompa kabanshika ikitendekesho kyetempele lya ba Yawe. Iki kakyafwilisha abapapatilishi ukwimakana muminkukumba ne ipenga, nebena Levi, abana bakwa Asafe, ukutota ba Yawe nefya kulisha, ngefyo ukuboko kwakwa Davida,imfumu yabena Ishileli aba kambishe. ¹¹ Kabemba nekubatota nekuba satila ba Yawe.'' Ba weme! Ikipangano kyabo kuli Ishileli kyakutwalilila umuyayaya.'' Abantu bonse kabalila ne kupata ukukulu ukwakutemwa mu kulumbanya ba Yawe pamulandu wakitendekesho kye ntempele kyashikwa. ¹² Lomba abengi abapapatilishi, abena Levi, neba kuntangile abakutungulula, abo abili abakote kabili balimwenepo inanda intashi, ilyo ikitendekesho kya nanda kya ashikilwe pamenso yabo, kabalila apakulu. Lomba abengi abantu kabapata ukwakutemwa nekusangalala nekumfwa bwino mufyaufwikile. ¹³ Palififyo, abantu balifililwe ukupusanya ukumfwa bwino nekusangalala pafyali kufwika ukufuma kumashiwi ya bantu abali kulila pakuti abantu bali kulila nekutemwa ukukulu, kabili ne kyongo kyalyufwikile ukutati sana.