¹ Kabili komulamuka mumano umulengeshi mushiku shabwanika bobe, ili impindi yashiku sha makantasho tashinga fika, kabili ili myaka tainga fia ili ukalabila, ² ''shili nokusangalala mulififi,'' kintu kutangile yakasuba kabili nomweshi kabili notubangabanga tukafinta, kabili namakumbi yakufinta akabwesha panuma yafula. ³ Ikaba nimpindi abalonda kufipango bakatutuma, kabili naba kosele abalalume bakakokomana kabili umwanakashi uupela pamulandu banini, kabili abakabapafibela balaba mufishi. ⁴ Ukwebati kukaba impindi ili imilyango ikesalwa mumisebo, kabili nokululuuuma kwa kupela kwapwa, ili abalalume bekele peshiwi lya kani, kabili ukwimba kwa banakashi kwafumba. ⁵ Ukwebati kuli mpindi ili abalalume bakofwa umwenso wakine kabili nokututuma kumbali yamisebo, kabili ne kochi almonda ukukufika, kabili batete kalukubotoka abene, kabii nokufwaisha ukufilwa. Ali umuntu aya kumuushi wamuyayaya kabili nabakulila kabaya nokushinguluka mumisebo yamumishi. ⁶ Anuka nokwinta umulengeshi ili Silifwa wamuntonto tanga puntwala, nangu fyenka ngolide wasani tenga tobeka, nangu tabanga tanika ikisasa pamashiki akinko, nangu lwilo lyakutapishako tainga mokoka pamukalo, ⁷ Ili ulukungu talunga bwela pakyalo ukolwafumine, kabili nomupanshi ukubwela kuli Lesa u - wapene. ⁸ ''Fyalukoso! Fyalukoso!'' Efyalabile abakusambisha,'' fyonse fyalukoso!'' ⁹ U - wakusambisha wali namano kabili alilabile kubantu amano. Alifulile kabili nokufwaya nokubikamo ifishipi ifingi. ¹⁰ U - wakusambisha kafwaya ukunemba ukubofya amashiwi ayaweme, ayakishika. ¹¹ Amashiwi ya mano a - abantu ali koti lupopo. Kabili koti musumali wapopwa panshi ifili namashiwi yamukulu pakolola ifishipi ifyalabilwe na umo kafunga. ¹² We mwana wangi umwalalume, kengela muli fimo ifintu. ukubelenga amabuku ayengi talinepelo, kabili ukubelenga ifingi tafikengesha ku mubili. ¹³ Ukupwisha kwamulandu panuma ya fyonse fwaufwanika, kwebati ukutina Lesa nokulama amalamuna, efya kukita umuntu. ¹⁴ Pakuti ba Lesa bakaleta ifikitwa fyonse mubupingushi, nefiweme ifintu, kana fiweme nangu fibipile.