¹ aya emashiwi yamusambishi, u - wamukifyashi kya kwa Dafiti kabili imfumu ya mu Yelusalemi. ² Ifyalukoso! Ifyalukoso! ifyalabila umusambishi.'' Neli kintu ifyalukoso! Fyonse fyalukoso. ³ Isa bunoshi umuntu anoka ukufuma mukupyunga panshi yakasuba? ⁴ Kimo ikifyashi kakipita nakimbi kakisa, lomba ikyalo kakikele umuyayaya. ⁵ Akasuba kakasama kabili nokupona nokubwela epokafuma ukusama. ⁶ Kambesha alapupa ukufuma kukabeta kakubulenge kabili nokushinguluka kukabeta kakubuyenke, lyonse ukuya nokushinguluka mukashila kabili nokubwela epokafuma ⁷ Onse amanika alatwala amenshi mukishiba, lomba ifishiba tafisula. kupusha uko inika Shiya, ukoShiya kabili. ⁸ Fyonse filamoneka ukubula kwishibwa, kabili takulipo u - wakulondola. Iliso talitondwa pafyo limona, nangu ukutwi ukwisula pa fyo lyufwa. ⁹ Ifyaliko, Efilipo, Efyaliko efilipo. Takulipo ifya bukumo pashi yakasuba. ¹⁰ Takulipo fibi ifingalsbilwa, moneni, ifyabukumo?Fyonse ifilipo fyalikeleko akale,kufikolwe ifyaliko palifwebo. ¹¹ Takuli ukumoneka ukwanuka ifintufyakale fyamonekele papindi iyakale, kabili nefintu ifyamonekela pindi yakupelako nefikakika kutangile tafyakanukwepo. ¹² Ndi musambishi, kabili nali nifumu mu Ishileli mu Yelusalemi. ¹³ Kafwaisha munano ukufuma kabili nokufwaya namano fyonse fintu ifikitwa panshi yeulu. Ukufwaya kipinto ikikulu ba lesa bapana kubana ba bantu lyonse. ¹⁴ Namona ifikitwa fyonse panshi yakasuba ifikitika nokumona, fyonse fyalukoso kabili nokutafya kambesha. ¹⁵ Ikishobakene tekuti kyolonke! ukulubulula ukubengwa! ¹⁶ Inalabila kumuchima wangi ati,'' mona nafwaya amano ukukila bonse abalikutangi yangi mu Yelusalemi. Amano yangi yamona ifikulu nokwishiba.'' ¹⁷ Ali nalabile kumuchima ukwishi amano kabili nokufunta kabili nefyalukoso, nalishile nokwishi ba kabili fyali koti uku funga kambesha. ¹⁸ Mubwinga bwamona muli amakatasho, ulundapo amano alalundapo ubulanda.