¹ Nali mwene baShikulu kabemakene kumbali yashiko, kabili kabalabila, '' pama peulu yamashiki ukwebati ubuntala busukane. Buntobaule mufipifwa mumwitwi yonse, kabili koipaya abapelako ne mpoko. Takulipo nangu umo ukaya; nangu ukufyuka. ² Nangu bakasepa mu Sheol, ukuboko kwangi kukabafumyamo. Nangu bakanisa mwiulu, kabaleta panshi. ³ Nangu benga fisama peulu ya ngamela, kabafwaya nokubabula. Nangu benga fisama kumenso angi panshi yafishiba, kakambisha untumini, ntukabasuma. ⁴ Nangu bengaya mubusha, kambesha na balwani babo kutangile yabo. Kulya kakambisha kuponko, ukubepaya kalama amenso angi palibo ukushinta tali pafiweme.'' ⁵ Ba Shikulu ba Yawe abamakosa baikata pakyalo kabili nokusungulika; bonse abekalamo balukulila: kyonse kikema koti ninika kabili nokwingila libili koti ninika ya Ijipiti. ⁶ Nibo ambebaka itafu mwiulu, kabili no kwikalika umushili pakyalo. U-wita amenshi yamufishiba, kabili nokuyetila peulu ya kyalo, ba Yawe eshina lyabo. ⁷ ''Tamuli koti bantu ba kushi kuli nemo, abantu ba Ishileli efyalabila ba Yawe kanshi nemo shafumishe Ishileli mupanga ya Ijipiti, abaFilishitiya ukufuma ku Kilishiti, kabili Alameans ukufuma ku Kil? ⁸ Moneni, Amenso yaba Shikulu Yawe aliponse pabufumu bwa kumbifya, kabili konaula pamenso a kyalo panshi ukufumyako shakonaule iñanda yakwa Yakobi efyalabila ba Yawe. ⁹ Moneni, kakambisha nokusukanya iñanda ya Ishileli mufyalo, koti ni umo ulukunyunga iseke mulunungo, ukwebati takulipo ntu mabwe tunini ukupona panshi. ¹⁰ Bonse abakubifya abantu bangi bakafwa kumupanga, Abalabila.' Ubonaushi tabwakekale pali fwebo nangu ukuntukumanya! ¹¹ Muli bulya bushiku kenya intente lya kwa Dafiti ilya pona nokwisala ipopo, kenya amantente nokwibakulula fyenka kyali mushiku shakale, ¹² ukwebati bekale abashalapo bamu Edomi, kabili namu fyalo monse abentwe peshina lyangi efyalabila ba Yawe efyo bakinta. ¹³ Moneni, inshiku shili nokwisa - efyalabila ba Yawe - Ili abakulima bakakesa, kabili ukupusana kwa fisepo kukakila u-wa byele imbunto umukolo uka sumya wine wakuntobala, kabili ne fyulu fikamwako. ¹⁴ Kabwesha abali mubusha aba Ishileli. Bakebaka imishi iyonaikile kabili nokwikalamo, Baka byala amalimi yafisempo no kunwa waini kabili bakalima amapoka no kulya ifisepo fyabo. ¹⁵ Kaba byala pakyalo, kabili taba kabanukule ukufuma pakyalo apanabapela,'' efyalabila ba Yawe ba Lesa wenu.