¹ Nomba abatumwa na bamunyinane bonse mu Yudea balyumfwile ukwebati abenafyalo nabo balipokelele icebo ca kwa Lesa. ² Ulo Petero aninine ukwisa ku Jerusalemu, abo abali mwibumba lyaba kusembululwa aba Yuda balimumenye. ³ Balisosele ukwebati, " Waliyikumike ku bantu abatasembululwa kabili wali kulya nabo!" ⁴ Lelo Petero alitendekele ukulondolola mu kushika, ukwebati. ⁵ "Nali nkopepa mu musumba wa Yopa, kabili nacikwata icimonwa ca cintu cimo icapala icisalu icikulu, bakocishisha panshi ku fifutu fine ukufuma mu mulu. Calikile pali nebo. ⁶ Naliciloleshe no kutontokanyapo pali cena. Namwene inama sha molu yane isha pano calo, ne fiswango ne fikulaika ne fyuni fya mu mulwelele. ⁷ Kabili naumfwile ishiwi lyanjeba ati, "Petero, ima, ipaya,ulye!" ⁸ Nebo nayaswike ati, awe iyo we mfumu; nebo ntatala ndya icishasangululwa nangu icakowela mu kanwa kandi. ⁹ Nakabili ishiwi lya bwekeshepo ukufuma mu mulu ati. "Ifyo Lesa asangulula, webo wilakufikuta ifyakowela." ¹⁰ Ifi fyalicitike imiku itatu, na fyonse fyalisendelwe nakabili mu mulu. ¹¹ "Pa nshita ine ilya, abantu batatu baiminine pantanshi ya nga'nda apo twali, balituminwe ukufuma ku Kaisarea kuli nebo. ¹² Umupashi walinkonkomeshe ukuya nabo ukukwabula ukupatula. Aba bamunyinefwe mutanda twalile nabo ku Kaisarea. Awe twaya ingila mu nga'nda yakwe. ¹³ Ena alitwebele ifyo amwene malaika aliminine mu nga'nda yakwe uyu malaika amwebele ati, "Tuma muntu ku Yopa uwakwita Simoni uyo ukutwa Petero. ¹⁴ Uyu muntu eukalanda amashiwi yakuti webo no lupwa lobe mukammone ukupusuka. ¹⁵ Ulo natampile ukulanda, Mupashi Wamushilo walishile pali bena, nga filya fine cali kuli fwebo pa ntendekelo. ¹⁶ Nebo nalibukishe amashiwi ya kwa Shikulu ayo alandile ukwebati, "Yohane alebatisha na menshe, lelo mwebo mukabatishiwa ku Mupashi Wamushilo. ¹⁷ Eco nga Lesa apele abenafyalo ubupe bumo bwine ubo atupele ilyo twasumine muli Shikulu Yesu Kristu, bushe nebo nine ninga pililika Lesa?" ¹⁸ Ulo baumfwile ifi fintu, taba aswike nangu kamo, balipele ubukata kuli Lesa ati, "Kanshi Lesa alipele ukulapila kwa mweo ku benafyalo nabobene." ¹⁹ Nomba abo abasalangene pa kupakaswa kwaimine pali Setefani balifikile na mu Fonisia, Saiprasi, na Antioke, baleshimikila icebo ku baYuda epela. ²⁰ Lelo bamo, pa bantu aba fumine ku Saiprasi na ku Kurene, baile ku Antioke balandile na ku baGriki, ukubila imbila nsuma kuli bena palwa kwa Shikulu Yesu. ²¹ Ukuboko kwa kwa Lesa kwali nabo, impendwa iyikulu yalisumine no kubwelela kuli Shikulu. ²² Ilyashi lyabo lyalishile ku matwi ya lukuta lwa ku Yerusalemu. Elyo balitumineko Banaba ukufikafye naku Antioke. ²³ Ulo afikile no kumona ukusenamina kwa kwa Lesa, awe alisansamwike no kubakoselesha ukwikalilila muli Lesa no mutima wabo onse. ²⁴ Ico ali muntu musuma uwaisulamo Umupashi wa Mushilonecitetekelo na bantu abengi balilundilweko kuli Shikulu. ²⁵ Banaba aile ku Tarsasi kukufwaya Saulo. ²⁶ Ulo amusangile alimuletele ku Antioke. Calicitike fyo, pa mwaka onse bena balikukumana pamo no lukuta no kusambilisha abantu abengi. Abasambi babalile ukwitwa abena Kristu ku Antioke. ²⁷ Nomba muli ishi nshiku bakasesema balitentemukile ukufuma ku Yelusalemu ukwisa ku Antioke. ²⁸ Umo pali abo ali ni Agabu, aliminine nokulandila mu Mupashi ukwebati icipowe icitaikulila cikoisa pe sonde lyonse. Ici calicitike mu nshiku sha kwa Klaudi. ²⁹ Eco abasambi, pafyo cila umo engakwanisha, balishalile ukutuma ifyakukumbusuka ku kwafwa bamunyinane mu Yudea. ukutuma icakumbu batumine icakumbu ku ba bwananyina abaikele mu Yudea. ³⁰ Bena balicitile ici bena balitumine ulupiya ku bakalamba muminwe yakwa Barnaba na Saulo.