¹ Nomba Nebo nalipilibwike no kwimya amenso yandi, na Nebo nalimwene, moneni, umufungilo uli mukupupuka! ² No mungeli alandile ati kuli nebo, ''Cinshi webo wamona?'' Nebo nali bweseshe ati, ''Nebo na mona umufungilo uli mukupupuka, ubutali bwaciko amata amakumi yabili na mubwipi amata ikumi limo.'' ³ Nomba ena alandile kuli nebo ati, ''Ici ecitipu icileya ukufuma pano pa calo conse pantu umunng'o onse akaputulwa ukulingana na fintu calandilwe pa lubali lumo, na onse uyo uulapa umulapo uwabufi akaputulwa ukulingana nafintu calandilwe pa lubali lubiye. ⁴ ''Nebo ici kacituuma ukufuma - uku kulanda kwa kwa Yahweh umwine wafita-elo ici cikengila mu ng'anda ya mung'o na mung'anda ya umo uyo uulapa ifya bufi pe shina lyandi. Ici cikabelelela mu ng'anda yakwe no kulya ifimuti fya mutenge na matafwali.'' ⁵ Nomba umungeli uyo wali mukulanda na nebo afumine ukuya no kulanda kuli nebo ati, ''Imya amenso yobe no kumona ifili mu kwisa!'' ⁶ Nebo nalandile ati, ''Cinshi ci?'' Ena alandile ati, ''Ici ecipe umungongelwe ica kupiminako ico icili mukwisa. Ishi emembu shabo mu calo conse.'' ⁷ Nomba intupiko iya fimbilwepo baali imishepo pa cipe na mulya mwali umwanakashi mwisamba lya ici uwaikele mukati! ⁸ No mungeli alandile ati, ''Ubu ebubifi!'' Ena aposele umwanakashi kunuma mukati ka cipe, na ena aposelepo intupiko pamuulu apa isuka. ⁹ Nebo naimishe amenso yandi no kumona abanakashi babili bali mukwisa ukulola kuli nebo, no mwela wali mumapindo yabo- pantu bena balikwete amapindo kwati mapindo yakwa kabaso. Bena balisumbwile icipe no kutwala pakati ka calo no mulu. ¹⁰ Elo Nebo nalandile ku mungeli uyo uwali mukulanda kuli nebo ati, ''Nikwisa bena bali mutwala icipe?'' ¹¹ Ena alandile kuli nebo ati, ''muku mukulila icilonganino mu calo ca shinari payakwe, elo ati ilyo icilonganino cikapekanishiwa, icipe cika tumwa kulya ku ncende ukwapekanishiwe cena.