¹ Icakonkelepo nebo nainwine amenso yandi kabili namwene umuntu ne ntambo yakupiminako mu minwe yakwe. ² Nebo nalandile, ''Nikwisa webo ulimukuya?'' Eico ena alandile kuli nebo, ku kupima Yerusalemu, ku kupima ubwipi bwaiko kabili no butali.'' ³ Ilyo umungeli uwali mukulanda nanebo aile kabili umungeli naumbi aile mukumukumanya ena. ⁴ Umungeli wabubili alandile kuli ena, ''Butuka kabili kalande kuli ulya umulumendo; landa, Yerusalemu akekala mu musumba uwaisuka pamulandu wabwingi bwa bantu kabili ne fitekwa ifili muli ena. ⁵ Pantu nebo-uku ekulanda kwa kwa Yahweh-nkaba pali ena icibumba ca mulilo icashinguluka ena, kabili nebo nkaba ubukata bwa mukati ka ena. ⁶ Imeni! Imeni! Butukeni ukufuma ku calo ca ku kapinda ka kukuso-uku ekulanda kwakwa Yahweh-pantu nebo nikawta ukusalanganya webo nge myela ine mu muulu-Ekulanda kwa kwa Yahweh. ⁷ Ima! Butukila ku Sioni, webo we wikala na bana abanakashi aba ku Babiloni!''' ⁸ Pantu panuma Yahweh uwafita acindika nebo kabili atumine nebo ku nko isha lamba webo-pantu uwakwikala webo, aikata pamboni ye linso lya kwa Lesa!-Ilyo Yahweh apangile ifi, ena alandile, ⁹ ''Nebo nemwine kasunkanya ukuboko kwandi pali bena , kabili bakaba abafiko ku babomfi babo.'' Elyo webo uli nokwishiba ukuti Yahweh wafita natuma nebo. ¹⁰ ''Imbeni pa kusangalala kabili toteleni, we mwana umwanakashi wa Babiloni, pantu Nebo nemwine nndi pakwisa no kwingila muli webo!-uku ekulanda kwa kwa Yhweh.'' ¹¹ Elyo inko ishikulu shikailunda ishine sheka kuli Yahweh muli kalya kasuba. Ena alandile, ''Ilyo webo ukaba abantu bandi; pantu Nebo kekala mukati ka webo,'' kabili webo ukeshiba ukuti Yahweh wafita natuma nebo kuli webo. ¹² Pntu Yahweh akakwata Yuda nge cakaniko cakwe mu calo ca mushilo kabili akasala napeka Yerusalemu umwine eka. ¹³ Talaleni, mwemibili yonse, panuma yakwa Yahwe, pantu ena naima ukufuma mu ncende yakwe iya mushilo!