¹ Mona! ubushiku bwa kwa Yahweh buli mukwisa ilyo ifipe fyobe filinokuba nokwakanishiwa mukati kobe. ² Pantu Nebo ndinokukolonganika uluko ululilonse ukwimina Yerusalemu uku kulwa kabili umusumba uli nokupokwa, na mayanda yakansapwa kabili na banakashi bakabapatikisha ukulala nabo. kabili na hafu wa musumba uli nokuya muli bunkole, nomba abantu abashalapo tabakepaiwe ukufuma mu musumba. ³ Nomba Yahweh ali nokuya kabili nokupanga ubulwi nebo nesho inko nga ilyo ena apanga inkondo mu bushiku bwa bulwi. ⁴ Pali bulya bushiku ulukasa lwakwe lukeminina palu mpili lwa Miolife, ululi lubali lwa Yerusalemu ku kabanga. Ulupili lwa miolife lili nokulepuka hafu pakati ku kabanga kabili na ku masamba kukaba umupoka poka uukulu kabili hafu walu pili ali nokubwelela mupepi n a kukapinda ka kukuso kabili na hafu umbi mupepi nakukapinda ka kukulyo. ⁵ Kabili webo uli nokubutukila mu mupokapoka pakati katupili lwa kwa Yahweh, pantu umupoka poka kalupili lwa kwa Yahweh, pantu umupoka poka pakati kaisho mpili uli nokufika ku Asela. Webo uli nokubutuka nga filya wabutwike ukufuma kucinkukuma mu nshiku shakwa Ussia, Imfumu yaba Yuda. Kabili Yahweh Lesa wandi ali nokwisa kabili na bonse aba mushilo bali nokuba naena. ⁶ Pali bulya bushiku takwakabe ulubuto, nomba takwakabe ukutalala nangula ukukambantana. ⁷ Pali bulya bushiku, bwaishibikwafye kuti Yhahweh eka, takwakabe ubushiku n angula akasuba, pantu icungulo cili nokuba inshita ya lubuto. ⁸ Pali buly bushiku amenshi ya bumi yali nokufuma mu Yerusalemu, hafu umbi ku kabanga ka mumana kabili na hafu umbi ku m asamba ka mumana, mulusuba kabili na mumpepo. ⁹ Yahweh alinokuba imfumu pesonde lyonse. Pali bulya bushiku ku kabafye Yahweh, Lesa fye umo, kabili ne shina lyakwefye eka. ¹⁰ Icalo conse cili nokuba kwati ni Araba, ukufuma mu Geba ukufika ku Rimone ku kapinda ka kukulyo ya Yerusalemu. Yerusalemu akakokanishiwapo ukwimishiwa kabili nokushala mu ncende yakwe, ukufuma ku mwinshi wa ku Benjamini ukufika ku ncende ukwali umwinshi wakubalilapo, ukuyafika ku mwinshi wapakona, kabili ukufuma kulupungu lwakwa Hananeli ukufika kufyakukaminamo umwangashi wa mfumu. ¹¹ Abantu bali nokwikala mu Yerusalemu kabili Lesa pali bena. Yerusalemu ali nokwikala uwamutelelwe. ¹² Ici cili nokuba icinkunka ico Yahweh ali nokuminako abantu bonse abo abakemina Yerusalemu: Imibili yabo ikabola nangula beminine ku makasa yabo. Amenso yabo yakabola mufikolobwa kabili nolulimi luli nokubolo mukanwa kabo. ¹³ Pali bulya bushiku cilya icifulunganya icikulu ukufuma kuli Yahweh cili nokwisa pali bena. Cila muntu akekata ukuboko kwa munankwe, kabili no kuboko kwa umo kuli nokuimishiwa pa kuboko kumbi. ¹⁴ Yuds ali nokupanga ikondo pali Yerusalemu, bali nokukolonganika ifyuma fyonse ikfyo nko-golide, silfere, kabili n e fyakufvwala ifisuma mubukata ubukulu. ¹⁵ Icikuko cili nokuba muli kabalwe kabili imfalanshi, kabili ne ngamila, kabili ne mpunda, kabili ne citekwa conse munk,ambi cili nokucula ku cikuko cimo cine. ¹⁶ Kabili cili nokucitika kuli abo bonse abashala muli isho inko isho ishaisa kukwimina Yerusalemu bali nokulanina nokuya umwaka no mwaka ku kupepa imfumu, Yahweh wafita, kabili kukusunga umutebeto wansakwe. ¹⁷ Cili nokucitika ukuti uuli onse ukufuma mu ko shonse isha pesonde tele ku Yerusalemu ku kupepa imfumu, Yahweh wafita, kabili Yahweh takalete imfula pali bena. ¹⁸ Nga uluko lwakwa Egypti taluninine ukuya, kabili bena tabakapokelele imfula. Icikuko ukufuma kuli Yahweh cili nokuma uluko ukuti winina ukuya ku kusunga umutebeto wansakwe. ¹⁹ Ici cili nokuba icakukandwa pali Egypti kabili ukukandwa kuluko lonse ulutalwakanine ukuya mukusunga umutebeto wansakwe. ²⁰ Nomba pali bulya bushiku, inyenjele shabakabalwe shili nokulanda, ''Bumushilo bwakwa Yahweh,'' kabili no mupika mu ng'anda yakwa Yahweh uli nokuba kwati nimbale shashika ishaba pantanshi yha cipailo. ²¹ Pantu impoto iili yonse mu Yerusalemu na mu Yuda shikaba isha mushilo kuli YHahweh wafita kabili nouli onse uukaleta ilambo ali nokulya ukufuma kuli bena kabili nokwipikilamo. Pali bulya bushiku bakashitisha tabakatale abasangwa mu ng'anda yakwa Yahweh wafita.