¹ Ilyo Yahweh alandile kuli Mose, ''Nomba ulinokumona ifyondinokucita kuli Farao. Ulinokumonafi, pantu akabaleka ukuya pamulandu wakuboko kwandi ukwamaka. Pamulandu wakuboko kwandi ukwamaka, akabafumya kunse yancende yakwe.'' ² Lesa alandile kuli Mose nokulanda kuli ena, ''nine Yahweh. ³ Nalimonekele kuli Abraham,Isaki na kuli Yakobo nga Lesa uwamaka yonse; nomba peshina lyandi, Yahweh, nshaishibikwe kuli bena. ⁴ Nakabili napangile icipangano nabena pakuti imbapele incende ya kenani, incende muntu baleenda. ⁵ Nomba, ningufwa ukuilishanya kwa bena Isreali abo abena Egipti babika mubusha, nomba ningibukisha icipangano candi. ⁶ pali ico, landa kubantu ba kwa Isreali, Nine Yahweh. Nkamifumyamo mubusha ubwa ubwakubomba imilimo iyakosa abena Egipti, kabili nkamikakula kumaka yabo.Nkamipokolola ukupitila mukulanga amaka yandi, kabili neficitwa ifingi ifyabupingushi. ⁷ Nkamileta kuli nemwine ngabantu bandi, kabili nkaba Lesa wenu. Mukeshiba ukuti nine Yahweh Lesa wenu, uwamifumishemo muncende yakubombela abena Egipti. ⁸ Nkamileta kuncende naile kuli Abrahum, Isaack, na Yakobo. Nkaipela kuli mwebo ngecikwatwa. Nine Yahweh.''' ⁹ Lintu Mose aebele abena Isreali, tabamumfwile pamuladu nokucushiwa ukukulu ukufuma kubeena Egipti. ¹⁰ Elo Yahwehalandile kuli Mose, ukutila, ¹¹ ''Kabiye kebe Farao, imfumu ya Egipti, ukuleka abena Isreali baye ukufuma muncende yakwe.'' ¹² Mose atile kuli Yahweh, ''Ngacakuti abena Isreali tabangumfwile, cinshi cintu Farao alangumfwila, epo nshaishiba kulanda?'' ¹³ Yahweh alandile kuli Mose na Aarone. Abapele ifunde lyabena Isreali nelya wa Farao, imfumu yamu Egipti, ukuleta abena Isreali ukufuma muncende ya Egipti. ¹⁴ iyi eyali imitwe iya mayanda bawishibo: Abana ba kwa Reuben, ibeli lya kwa Isreali,umukowa wafikolwe fya kwa Reuben. ¹⁵ Abana ba kwa Simeon bali ni Jemuel, Jamin, Ohad, Zohar, na Shaul-abana bamwanakashi umwina Kenani. Aba ebali abamukowa wakwa Simeon. ¹⁶ Uku ekutantikwa kwa mashina yabana bakwa Lebi, ukulingana nekonka shabo. Bali i Gershom, Kohath, na Merari. Lebi alikele mpak imyaka umwanda namakumi yatatu na cine lubali. ¹⁷ Abana ba kwa Gershom bali nI Liban na Shimei, ukulingana nemikowa yabo. ¹⁸ Abana bakwa Kohath bali ni Amram, Izhar, Hebron, na Uzziel.Kohath aikele imyaka umwanda umo namakumi yatatu naitatu. ¹⁹ Abana bakwa Merari bali ni Mahli na Mushi. Aba basangwike ifikolwe yamuowa wabena Lebi, ukubikapo nendupwa shabo. ²⁰ Amram aupile Jochebed, nkashi yabawishi. Amufyalile Aarone na Mose. Amram aikele imyaka amakumi umwanda umo namakumi yatatu na cinelubali elo afwile. ²¹ Abana bakwa Izhar bali na ba Khora, Nepheg, naZikri. ²² Abana bakwa Uzziel ali niba Mishaeli, Elzaphani, na Sithri. ²³ Aarone aupile Elisheba umwina Amminadabu, nkashi yakwa Nahshon. Umufyalile Nadab na Abihu, Eleazar na Ithamar. ²⁴ Abana bakwa Korah bali ni Assir, Elkanah, Abiasaph. Aba ebali ba mukowa wabena Korahites. ²⁵ Eleazar, umwana wakwa Aarone, aupile umwna wakwa Putiel. amufyalile Phinehas. Aba ebali imitwe shaamayanda yabawishibo pabena Lebi, ukulingana nemikowa yabo. ²⁶ Aba abume babili ali i Mose na Aarone bantu Yahweh aebele ati, ''Mufumye abana ba Isreali muncende ya Egipti, ukufuma kubabateka.'' ²⁷ Aarone na Mose b atle kuli Farao, imfumu ya Egipti, ukubasuminisha ukufumya abantu mu Egipti. Aba bali nibalyabene Mose na Aarone. ²⁸ Lintu Yahweh alandile kuli Mose muncende ya Egipti, elyo ²⁹ atile kuli wena, ''Nine Yahweh. landa kuli Farao, imfumu yabena Egipti, fyonse fintu nkakweba.'' ³⁰ Lelo Mose atile kuli Yahweh, nshaishiba ukulanda, kanshi cinshi Farao akangumfwila?''