^{1 2} Yahweh alandile kuli Mose ati, ''Kabiye kuli Farao, pantu Nebo ninkosho mutima wakwe, no waba bomfi bakwe. Nebo ninciteci mukulanga ifipesha mano nefya maka yandi muli bena. Nebo pamo ninciteci elo nti mwebo mukaleeba abana benu nabenshikulu benu ifi fintu Nebo nacita, ifyo Nebo nacushishe abena Egupti, ne fyo Nebo naba pele ifipesha mano ifya maka yandi muli bena. Muli iyi nshila mwebo muli nokwishiba ati, Nebo nine Yahweh.'' ³ Elo Mose na Aarone baile kuli Farao no kulanda kuli ena ati, ''Yahweh, Lesa wa baHebere, asosa ifi: 'Nililali webo ukafishapo ukukana nokuba uwanakila ku ntanshi yandi? Leka abantu bandi baye elo ati baye no kuntatakula nebo. ⁴ Nomba nga webo wakana ukuleka abantu bandi baye, umfwa, mailo Nebo nkaleta makanta mu calo cobe. ⁵ Ena akafimba pamulu wa mushili elo ati takwakabe nangu umo uukamona isonde. Ena akalya fyonse ifya shelepo pali fyone ifya puswike ku mfula yabipa. Ena pamo akalya ifimuti fyonse ifili mukumena kuli mwebo mu mpanga. ⁶ Ena akesula na mu mayanda yenu, na muli ayo yonse yaba bomfi benu, na muli ayo yonse aya bena Egupti- ifintu fimo ifyo bashinwe nangu ni bashikulu wenu taba balile ukumona, nangu cimo cintu taba mwene ukufuma pakutendeka lintu bali panwe sonde ukufika pali buno bushiku.'' ⁷ Ababomfi bakwa Farao balandile kuli ena ati, ''Ninshita nshi uyu muntu akaleka ukuba iciteyo kuli fwebo? Lekeni abena Israele baye elo ati baye batatakule Yahweh Lesa wabo. Bushe mwebo tamulailuka ati Egupti alyonaika?'' ⁸ Mose na Aarone bali ba bweseshe peka kuli Farao, uwa landile kuli bena, ''Kabiyeni katatakuleni Yahweh Lesa wenu. Nomba bantunshi ba kaya?'' ⁹ Mose alandile ati, ''Fwebo tukaya notwana twesu, na ba kote besu, na bana abaume, na bana besu abanakashi. Fwebo tukaya ne mikuni yesu, na maombe yesu, pantu fwebo natukwata umutebeto wa kwipaila Yahweh.'' ¹⁰ Farao alandile kuli bena ati, ''Na Yahweh icine cine abe na mwebo, nga Nebo lyonse na leka mwebo muye na bana benu abanono kabiyeni. Moneni, mwebo na mu ububi mumano. ¹¹ Awe! kabiyeni, pamo nga baume abali muli mwebo, no kuya tatakula Yahweh, pantu ici eco mwebo muli muku fwaya.'' Nomba Mose na Aarone bali bafumishe ku cinso cakwa Farao. ¹² Nomba Yahweh alandile kuli Mose ati, ''Tambalika ukuboko kobe pa calo ca Egupti kuli makanta, no kweba ati ekate icalo ca Egupti no kulya ifyo balima fimo, ifili fyonse ifyo imfula yabipa ya shile.'' ¹³ Mose atambalike ku nkonto yakwe pa calo conse ca Egupti, na Yahweh aliletele umwela waku kabanga pa calo conse mu kasuba no bushiku. Ilyo cali ulucelo, no mwela waku kabanga wali letele na makanta. ¹⁴ Na makanta aile pula monse mu calo ca Egupti nao awile monse mu fiputulwa fya uko. takwatalile akubako icikunka ca makanta icaba uyu musango mu calo, na panuma takwakabe uwaba ngo yu. ¹⁵ Nao akupile pamulu wa calo conse elo ati pali fitile. Ali liile nefyalimwa fyonse ifya mucalo na fyonse ifisabo ifya ku fimuntu filya imfula yabipa yashile. ukupita mucalo conse ca Egupti, takwali ica mena nangu cimo icashelepo, nangu cimuti nangu cintu calimwa ica mumpanga. ¹⁶ Nomba Farao bwangu bwangu aitile Mose na Aarone no kulanda ati , ''Nebo ni membuka na peka kuli Yahweh Lesa wenu na peka kuli mwebo. ¹⁷ Nomba elyo, ndekeleleni ulubembu lwandi shino nshita, no kupepa kuli Yahweh Lesa wenu ati ena afumyepo imfwa pali nebo.'' ¹⁸ Elo Mose aile ukufuma kuli Farao no kupepa kuli Yahweh. ¹⁹ Yahweh aliletele umwela uwakosa uwaku masamba uwa imishe makanta nokuya mutwala ena mu cimana ca matete; ta mwashele nangu ni makanta mu citungu ca Egupti. ²⁰ Nomba Yahweh alimukukosha umutima wakwa Farao, na Farao talekele abena Israele ukuya. ²¹ Nomba Yahweh alandile kuli Mose ati, ''Tambalika kukuboko kobe kulole mumulu, elo ati pabe ukufika ponse pa calo ca Egupti, ukufita ukwa kwebo ati teti baitonye.'' ²² Mose alitambalike ku kuboko kwakwe ukulola mu calo conse ca Egupti pa nshiku shitatu. ²³ Nangu umo tamwene umubiye iyo; nangu umo tashile umushi wakwe pa nshiku shitatu. Nangu ca lifyo abena Israele bonse bali kwete ulubuto muncende muntu bali mukwikala. ²⁴ Farao aitile Mose no kulanda ati, ''Kabiyeni katatakuleni Yahweh. Ne ndupwa shenu shiye namwebo, nomba imikuni yenu na maombe fyena mushe panuma.'' ²⁵ Nomba Mose alandile ati, ''mwebo pamo muli nokutupela inama ishakwipaye lambo ne fyakuninika elo ati tukaye ipaila yena kuli Yahweh Lesa wesu. ²⁶ Ne fitekwa fyesu filingie tukaye nafyena pamo: takuli nangu libondo lya fyena ili nokushala kunama, pantu fwebo tuli nokuyasenda ku kutatakula Yahweh Lesa wesu. Pantu fwebo tatwishibe fintu tukaya tatakwilako Yahweh mpaka tukafike kulya.'' ²⁷ Nomba Yahweh aali mukukosha umutima wakwa Farao, na ena tali mukufwaya ukuleka bena baye. ²⁸ Farao alandile kuli Mose ati, ''Kabiyeni fumeni kuli nebo! ucenjele pamulandu wa cintu cimo, na webo taumfwile ukumona nebo na peka, pantu pa bushiku webo ukamona impunda yandi, webo uli nokufwa.'' ²⁹ Mose alandile ati, ''webo we mwine wailandila. Nebo nshakamone impumi yobe napeka.''