¹ Aya e mashina babana bakwa Isreali abishile mu Egipti na Yakobo, cila umo nabang'anda bakwe: ² Reuben, Simeon,, Levi na Yuda, ³ Isschar, Zebulun, na Benjamin, ⁴ Dan, Naphtali, Gad, na Asher. ⁵ Abantu bonse abali balupwa lwa kwa Yakobo bali balupw a bakwa Yakobo bali amakumi cne lubali mumpendwa Yosefu ali kale mu Egipti. ⁶ Elo Yosefu, nabamunina bakwe bonse abailya nkulo balifwile. ⁷ Lelo abantu ba mu Isreali balisandulwike, mokuya pantanshi mumpendwa, basangwike abakulu, kabili basangwike abamaaka sanasana; nencende yaiswilemo bena. ⁸ Nomba lyena imfumu iyipya yalimine pa Egipti, imo ii shaibe Yosefu. ⁹ Yatile kubantu baiko, ''moneni, abantu bakwa Isreali bakwatishapo amaka kabili balifulisha palifwebo. ¹⁰ Iseni, tiyeni tubasende manomano, ngateifyo bakakonkanyapo ukufula mumpendwa, elo mga kwaba inkondo, bakilunda kubalwani besu, nokulwikanya, nokufuma muncende.'' ¹¹ Ico babikilepo abakalamba bamilimo palibena kukubacusha nemilimo iyakosa. Abena Isreali bakulile Farao imishita yamatala:Pitomu na Raaamise. ¹² Lelo mukunacusha ukwingi babacushishe , emobaleya balefula mumpendwa nokusanduluka. Eco abena Egipti batampile ukusesha abena Isreali. ¹³ Abena Egipti bacushishe abena Isreali mukubabomfya ubuluku. ¹⁴ Bapangile ubwikashi bwabo ukwafya kabili ukubipa nendaka shamatafwali, nemilimo yonnse mumpanga. Yonse imilimo balebomba bali iyacibe. ¹⁵ Elo imfumu yamu Egipti yaebele bana cimbusa; Ishina lyakwa umo lyali ni Shiphra, naumbi ali ni Pual. ¹⁶ Atile, '' Ngacukutila waafwilisha umwina Isreali pakupapa, nokumona kuntu balepapa, nagamwaume, mufwile ukumwipaya; nombangamwanakashi, ena kuti aikala.'' ¹⁷ Lelo banacimbusa baitinine Lesa kabili tabacitile ifyo imfumu ya Egopti yabebele ukucita; lelo, balekee abana abume ukwikala. ¹⁸ Imfumu ya ku Egipti yaitile banacimbusa nokubeba ati, ''Cinshimwacitilefi, kukuleka abana abume baikala nomweo.? ¹⁹ Elo banacimbusa baaswike Farao ati, ''Abanakashi aba Hebele tabali nga banashi ba mu Egipti. Balikosa bapapanalilya line nacimbusa talaisakuli bena.'' ²⁰ Lesa alicingilile ababanacimbusa. Abantu balisandulwike mumpendwa kabili basangwike abamaka. ²¹ Pantu bana cimbusa batinine Lesa, aliapele indupwa. ²² Farao akonkomeshe ababantu bonse, '' Mufwile mwaposa umwana mwaume uwafyalwa mumumana, lelom umwanakashi mukamulekefye akekale.''