¹ Akalanda kumu sumba wakutalama! Umusumba wabu nkalwe ulyo nawilwe. ² Tawakutikile kwi shiwi lya kwa Lesa, nangula ukumfwa ukulungamikwa ukufuma kuli Yahweh. Tautetekela muli Yahweh kabili tawakapalame kuli Lesa wakwe. ³ Umwaana mwanakashi wa mfumu wakwe ni nkalamo ishiko buluma pakati kauko. Bakapingula bauko mimbulu yamu cungulo iitashapo ifyaku tobaula ku meno ulucelo. ⁴ Bakasesema bakwe ba nkalwe kabili niba kalukalu. Bashi mapepo mukalamba bauko bali pelulwile ifya mushilo noku cita ubonaushi kwi funde. ⁵ Yahweh wakulungama pakati kauko. Tekuti acite icakubipa. Ulucelo no lucelo akasalanganya umutelelwe! Tawakafiswe mu lubuuto, lelo abantu batakwata mutelelwe tabaishiba nsoni. ⁶ ''Ndyonawile inko; inkwela shabo shilyonaikile. Ndilengele utu mishi twabo ukonaika, pakuti mwilakupita nangu umo. Imisumba yabo ilyonaikile pakuti mwilakwikala umuntu nangu umo. ⁷ Nalilandile, 'Mucine mukantina. Sumineni ukulungamikwa kabili mwiputulwako ku mayanda yenu kuli ico conse napanga ukumicitila.' Lelo bakofwaisha cila lucelo ukutampila mukubifya ificitwa fyabo. ⁸ Eico nindeni-ici cisemo cakwa Yahweh-mpaka ubushiku nkema kukupokolola ico ekata. Ico ukufwaya kwandi kulonganya inko, ukubunganya ubufumu,ukupongolola ubukali bwandi pali bo-konse ukupya kwa cipyu candi; pantu mu mulilo waka lumwa kandi icalo conse cikapya. ⁹ Elo nomba nkawamye imilomo ya bantu, pakuti boonse bengakuta pe shina lya kwa Yahweh noku mubomela ukubeya pa kubeya. ¹⁰ Ukufuma kunse ya mumana wa Kushi baka shinshimuna bandi-abantu abandi abakusalangana-bakaleta ifya bupe fyandi. ¹¹ Muli bulya bushiku tamwa kanshiwe insoni pa ficitwa fyenu ifyo mwacitile kuli ne, ukufuma muli bulya bushiku muli mwe nkafumyamo abo boonse abasefeshe amataki yenu, kabili pa mulandu wa ico tamwakacitepo akatutumushi nakambi pa lupili lwandi ulwakushila. ¹² Lelo pakati kenu nkasha abantu babufuke na balanda, kabili bakasanga icuubo muli Yahweh. ¹³ Abashalamo mu Isreali tabaka bifyepo nakambi nangu ukulanda ubufi, kabili takuli ululimi lwa bufi ulukasangwa mutunwa twabo; eico bakalya noku lambalala panshi, kabili takuli nangu umo uukabatutumya.'' ¹⁴ Imba we mwaana mwanakashi wamu Zion! Bilikisha Isreali. Sangalala no kwanga no mutima yobe onse, we mwaana mwanakashi wamu Yelusalemu. ¹⁵ Yahweh alifumishepo ukusalapulwa pali we; alitamfishe abalwani bobe! Pakati kenu Yahweh ni mfumu yamu Isreali. Tamwakatine ububi nakambi! ¹⁶ Muli bulya bushiku bakalanda kuli Yelusalemu, ''Witina ,Zion. Wileka amaboko yobe yanakuke. ¹⁷ Yahweh Lesa wenu ali pakati kenu, uwampofu ku kulubula. Akasefya ne congwe pali mwe; akekala tondondolo pali mwe mu citemwiko cakwe; akasangalala pali mwe noku welesha ne congwe. ¹⁸ Nkalonganya abo bonse abakukalipwa, abo aba shiya ku mitebeto yaku sontwa, pakuti mwikanshiwa insoni pali co. ¹⁹ Mona, ndi noku bomba pali abo bonse aba kucusha. panshita ilya, nkapususha icilema kabili noku longanya aba tamfiwa. Nkabacita kubati malumbo, kabili nkafumya insoni shabo noku balenga ukwishibikilwa pa fyakuwama pe sonde ponse. ²⁰ Pali ilya nshita nkamitungulula; pali ilya inshita nkamilonganya pamo. Nkalenga inko shonse pano isonde uku micindamika kabili noku milumbanya, ulo mukamona ukuti ndimibweseshe.'' ekulanda kwa kwa Yahweh.