¹ Ili eshiwi lyaishile kuli sephaniah umwaana mwaume wakwa kushi, umwaana mwaume wakwa Gedaliah, umwaana mwaume wakwa Amariah, umwaana mwaume wakwa Hezekiah, munshiku shakwa Josiah umwaana mwaume wakwa Amon, imfumu yaba Yuda. ² ''Nkonaula fyonse umupwilapo ukufuma pa mulu we sonde-ici cisemo cakwa Yahweh. ³ Nkonaula umuntu ne ciswango; nkonaula ifyoni fya mu mulu ne sabi lya muli bemba, ubonaushi pamo naba bifi. Pantu nkaputaulako umuntu ukufuma pamulu we sonde-ici cisemo cakwa Yahweh. ⁴ Nkatambalika ukuboko kwandi pa bena Yuda na bekala mushi bonse aba mu Yelusalemu. Nkaputula conse icikashalapo ica kwa Baal ukufuma muli ino incende na mashina ya bantu batulubi pali bashi mapepo, ⁵ abantu abo pa mulu wama yanda bashinshimwine ifibumbwafya mu mulu, na bantu abashinshimwine noku lapa kuli Yahweh lelo abalapile ku mfumu. ⁶ Kabili nkapututla abo abapilibuka ukufuma kukukonka Yahweh, abo abashifwaya nangula ukwipusha ukutungululwa kwakwe.'' ⁷ Ba uwatondolo pa cinso cakwa Yahweh! Pantu ubushiku bwa kwa Yahweh bulipaleme; Yahweh ulipekenye ilambo no kupatulako abeni bakwe. ⁸ ''Cikesa kuba pa bushiku bwe lambo lyakwa Yahweh, ukuti nkakanda abaana banakashi na baana baume ba mfumu, na bonse abafwele ifyakufwala fyaba mwisa. ⁹ Pali bulya bushiku nkakanda bonse abo abasombwela pa mwenshi, abo abesusha ing'anda yakwa shikulu wabo no bonaushi no bufi. ¹⁰ Ifi efyo cikaba pali bulya bushiku-ici cisemo cakwa Yahweh-ukuti ukulila kwa ku cululuka kukafuma pa mpongolo ye sabi, ukulilishika ukufuma mu citungu cikonkelepo, ne ciunda icikalamba ici ko tebenkana ukufuma mu mpili. ¹¹ Ukulilishika, abekala mushi ba citungu ca cisankano, kuli bonse bakashitisha bakonaulwa; bonse abo bapima silufele bakaputulwa. ¹² Cikesa kuba pali ilya nshita ukuti nkafwailisha Yelusalemu ne nyali noku kanda abantu abo baikalila mu myangashi yabo nokulanda mumitima yabo, 'Yahweh tekuti acite icili conse. nangula cisuma nangu cibi.' ¹³ Ubunonshi bwabo bukonaulwa, nama yanda yabo yakaba aya konaushiwa! Baka kula ama yanda lelo tabakekalemo, noku byala imyangashi lelo tabakanweko imyangashi shabo. ¹⁴ Ubushiku ubukalamba bwakwa Yahweh bulipaleme, mupepi no kwa ngufyanya bwangu bwangu! Iciunda ca bushiku bwakwa Yahweh cikaba nge ca musalife uukolila no bukali. ¹⁵ Bulya bushiku bukaba bushiku bwaku kalipwa, ubushiku bwaku cululuka no bukali, ubushiku bwama bimbi no konaulwa, ubushiku bwa ku fita ne mfimfi, ubushiku bwa makumbi no ku fita ukukalamba. ¹⁶ Bukaba bushiku bwa mapenga ne nkoloko kumisumba iyaku cingililwa. ¹⁷ Pantu nkaleta uku cululuka pa mutundu wa muntunse, pakweba ati balekwendauka kubati ni mpofu apo balicitile isambi kuli Yahweh. Umulopa wabo uketilwa kubati lukungu, ne filundwa fyabo ifya mukati kubati mafi ya nama . ¹⁸ Nangula silufele yabo nelyo golide yabo taya kaba pusushe pa bushiku bwa ku kalipwa kwakwa Yahweh. Mu mulilo wa kalumwa kakwe isonde lyonse likocewa, pantu akaleta ukupwililika, kwa mpela iibi ku bekala mushi be sonde lyonse.''