¹ Yaweh aishile kulanda kuli Mose ati, ² ''Landa kuli Aaroni. Landa kuli ye ati, 'Inyali cine lubali shifwile ukusanika kuntanshi ya fyakutekapo inyali uluntu webo waashashena.''' ³ Aaroni aishile kucita ifyo. Aishile kwasha inyali pafyakutekapo kukupela ulubuto ukulola ku ntanshi ya cena, ifyo Yaweh akonkomeshe Mose. Icaumwa kwati maluba. ⁴ Ifya kutekapo inyali fyapangilwe muli iyi nshila elo Yaweh aishile kulangilila Mose imicitilwe ya ciko. Cena cali nokuumwa na sando ica golide ukufuma pe samba lya ciko ukufika pamulu waciko. ⁵ Nakabili Yaweh aishile kulanda kuli Mose. Ena aishile kulanda ati, ⁶ ''Piita abena Levi ukufuma mu bantu bakwa Israeli no kubasangulula. ⁷ Cite ci kuli bo ku kubasangulula: ukusansa amenshi ya kusangulula pali bo Bebe bena ukubeya imili yabo, basuke ifya kufwala fyabo, elo bakaisangulule abene. ⁸ Nomba bena ba piite umwana wa ng'ombe umwaume ifya bunga bwakupeleka ubwakusankanamo amafuta. Leka bena ba piite naumbi umwana wa ng'ombe umwaume umutulo wa pa lubembu. ⁹ Webo ukupalamike abena Levi pantanshi ye tenti lyakukumaninamo elo ukulonganye ulukuta lwa bantu bakwa Israeli. ¹⁰ Uluntu webo ukaleta abena Levi ku cinso cakwa Yaweh, na bantu bakwa Israeli bafwile bakatambalike indupi shabo pa bena Levi. ¹¹ Aaroni afwile apele abena Levi ku cinso cakwa Yaweh, umutulo wa kusunsha ukufuma ku bantu bakwa Israeli pakuti bena bakabombe umulimo wakwa Yaweh. ¹² Abena Levi bafwile bakatambalike amaboko yabo pa mitwe ya ng'ombe ishilume. Webo ufwile ukatule ing'ombe imo iilume umutuulo wapa lubembu elo ne ng'ombe imbi umutulo wakoca kuli nebo, ku kusangulula abena Levi. ¹³ Ukatambike abena Levi ku cinso cakwa Aaroni na kuinso cabana bakwe abaume no kubemya bena ngo mutulo wakusunsha kuli nebo. ¹⁴ Muli iinshila webo ufwile ukapatule abena Levi ukufuma mu bantu bakwa Israeli. Na bena Levi bakaba bandi. ¹⁵ Panuma, abena Levi bafwile bakaye mukubombela mwitenti lyakukumaninamo. Webo ufwile ukabasangulule bena. Webo ufwile akatule bena ngo mutulo wa kusunsha. ¹⁶ Cita ici, pantu bena bapelwa kuli nebo ukufuma mu bantu bakwa Israeli. Bena bakabule icifulo cacila mwana umwaume uyo uwaisula ubula ibeli lyonse pa bana bakwa Israeli. Nebo ndi bulile abena Levi ne mwine. ¹⁷ Amabeli yonse ukufma mu bantu bakwa Israeli bandi, Ilya mu bantu nangula mu nama. Pa bushiku ilyo nebo naipeye imyeo yonse iya mabeli mu calo ca Egypto, nebo nalibapatwileko bena ukuba abandi. ¹⁸ Nebo ndibulile abena Levi ukufuma mu bantu bakwa Israeli mu cifulo ca mabeli yonse. Nebo ndipele abena Levi ngo bupe kuli Aaroni na ku bana bakwe abaume. ¹⁹ Nebo ndibabulile bena ukufuma mu bantu bakwa Israeli ku kubomba umulimo wa bantu bakwa Israeli mwitenti lya kukumaninamo. Nebo ndibapele bena ku kufutilako abantu bakwa Israeli pakuti kwikaba icikuuko ca konaula abantu uluntu bena bapalama ku cifulo ca mushilo.'' ²⁰ Mose, Aaroni, ne bumba lyonse ilya bantu bakwa Israeli baishile ku cita ifyo fine ku bena Levi. Bena baishile ku cita fyonse ifyo Yaweh akonkomeshe Mose pa bena Levi. Abantu bakwa Israeli baishile ku cita fifi kuli bo. ²¹ Abena Levi baliisangulwile abene no kusuka ifyakufwala fyabo, elo Aaroni abapele bena ngo mutulo waksunsha kuli Yaweh elo ena abafutileko bena ku kubasangulula. ²² Panuma yaifi, abena Levi baishile kuya mukubomba imilimo yabo mwitenti lya kukumaninamo ku cinso cakwa Aaron na kucinso ca bana baume bakwa Aaroni. Ici cali ifyo Yaweh akonkomeshe Levi bonse muli iinshila. ²³ Yaweh aishile kulanda nakabili kuli Mose. Enalandile ati, ²⁴ ''Fyonse ifi fya bena Levi abali ne myaka amakumi ya bili naisano no kucilapo. Bena bafwile bakailunde kwi bumba ku kubomba mwitenti lya kukumaninamo. ²⁵ Bena bafwile ukuleka ukubomba muli iinshila pa myaka amakumi yasan. Pa myaka iyo bena tabafwile ukubomba ukutantalisha. ²⁶ Bena bafwile bakalekwafwako ba munyina abo abatwalilile ukubomba mwitenti lya kukumaninamo, lelo bena tabafwile ukubombako iyoo. Webo ufwole ukabatungulule abena Levi mumilimo yonse.''